Les jardinsles billes
par minloute le, 04/10/2006ah si in éto sache , in avo l' dro à aller avec s' mère, ché les soeurs Defernez, acater un sac ed billes
ah que d' parties dins l' cour del mason, que j' me faijo ingueuler si j in laisso eune à terre et qu'min père i minquo d' glicher d' sus ......
mais interdiction d' les z' em'ner à l école, d'ailleurs jl' auro pas fait, nan, i n 'avotent qui i juotent à l école, mais chéto risqué , t in avo qui s' débrouillotent miu qu' ché zautes, et chéto les premiers à t imbrouiller pour faire eune partie avec eux, et au bout d un momint, ring , t avo pu rin dins tes poques, plus qu' tes zius pour pleurer......
mi j' préféro ché billes "modernes" celles qui étotent en verre avec des zarflets multicolores, j' trouvo viu ju, ché billes blanques avec un trait rouche ou bleu, mais achteure j' su sur que chel' lale ale doivent valoir plus ker que les dites "modernes".....ché l effet d'la mote..... ou d' la nostalgie ....
