pauv' minloute

inch' momint j' fais d' sacrées journées au traval, mais hier j' su parti du boulot à chinq heures au soir, min jour ed repos , j'rinte al' mason
j' croyos et' accueilli comme ech' messie, à part ché kiens qui sont v'nus m' faire la fete, bin nan
j a eu dro à "té djà la ti"
cha fait plaiji , j' dis rin , j' me mets dinch' canapé , chéto del publicité , j' prins l' télécommante pour raviser such' cape quo qui avo , mais grand mère ale arvient dinl' pieche et ale dit "armet l' deuxieme, ché des chifédélétes"
bon j armets la deuxieme chaine
des chifédélétes, mon dieu, mi j' ravisse l émission tous les deux tro ans , et là j a vu que Bertrand Renard i avo pris un sacré coup d' louchet, ptete mi aussi, mais mi j' me vo dinl' glache tous les matins quand que j' me rasse alors ché pas parel
des chifédéletes, mon dieu, in diro Derrick al' francaisse, i s' passe rin, ché calme, té pourro meme t indormir

pi té ravisse les spectateurs, qu' des vius, eune proportion ed dentiers au m2 inimaginapes, té vo qui zont arsortis tous ché bijoux , armis du rouge alème, et fait ché mizanplis , vinguette cha do sintir l' lotion et l'laque dins l' studio
bon j' critique pas, ché min point d'vue humoristique, bon cha s' termine grand mère as' leffe, mi , innochint , j arprins l' télécommante, j' croyo que j éto au bout d' mes peines, bin nan, ale arpasse es' tiete par l' porte et ale dit "tention, dins chinq mineutes ché la staraque" mi j' comminche à ouigner, et grand mère ale dit "oh té va pas canger mes zabitutes" pi t avo l' tchiote ed bientot six ans qui sauto d'vint l' télé in criant "la staraque, la staraque, la staraque" et là j a été impressionné, ale les connait tous par leur prénom ché "futures vedettes" , alors mi j' dis cor rin, nan ché pas la peine ed lutter, j' comminche à printe in liffe, mais j arrivo pas à lire, pi cha duro et cha duro, ch' générique is' termine, grand mère ale avo cor es'bouque ouverte à raviser cha, mi min vinte i commincho à gargouiller, y a fallu que j' y disse que j'avo faim, alors là ale m a ravisé comme si vraimint j éto qu un vinte, du genre, ti té pinse qu à minger
j a préféré rin dire, pauv' minloute, vous pouvez m' plainte .....