hier , que du bonheur
par minloute le, 10/10/2006hier j avoue bon j a été au traval eune paire d heures mais j éto d' artour aprés al' mason vu que j a deux jours de retete
et là, j a jué grand fate, d'abord j su nin parti al' montane , vu qu' ché gampes chéto du béton aprés l' journée del veille
in auro dit quand que j' m a arlévé du lit que j avo avalé un sape , et encore j' diro bin eune aut' expression qui a un rapport avec un balai, mais m' soeur ale veile sul' site, j' vous zin parlerai dins ch' prochain sujet
donc , j arviens am' n histoire, j avo acaté sam'di un liffe d un auteur que j a ker, pierre magnan, rin à vire avec l' mine, pisque li y est d' manosque, chéto un "discipe" ed jean giono
pour que tout qui s' passe bin, i a vo un even'mint qui a grand'mint aidé, i zont coupés l' circulation del route du que j'su , enfin juste avant , pour l' réparer, et là chéto calme absolu , chti qui voulo aller à l épic'rie i devo v'nir à pied
silence, calme, solel, ombe , rin à dire, j a été m installer such' banc , tout seu, et j a dévoré ch' liffe eune partie au matin , et presque terminé l aprés midi
Alors un tchiot momint d' bonheur
premiere photo min banc près d' l églisse
deuxieme photo eune vue d' min banc
troisieme photo cor eune vue
et quatrieme c' que j voyo au d'sus dem' tiete
( 4 photos)