i pleut à cloquettes
par minloute le, 11/10/2006j' va pas vous dire qui a fait bio aujourd hui dinch' béarn, i a pas arréter d' pleuvoir à cloquettes, résultat ché cats i sortent pas, alors faut vire el débalache, cha grimpe partout , such' buffet, dins ché zétagères, cha miaule à tout rompe ed'vant l' porte, t ouves l' porte i sortent pas, ah nan , sauf ch' cat espagnol, li i est pas comme ez'zautes si i pleut i va dehors faire ses b'soins qui pleufe qui vente qui neiche, aprés i va s' incrinquer dins l' mangeoire à zozio qui a dehors, i s' serre comme i peut , pour qui a pas eune goutte qu' ale le moule, pi d un seul coup i court vers l' porte , as' deminder si va pas s' fracasser s'tiete cont' el vite, pi t as interet à li ouvrer tout d' suite sinon i t ingueule in rintrant
là i fait s' sérénate, vous m' direz pour un cat espagnol ché normal, i fait s' sérénate d' vant l' porte farniete pour sortir, mais si té l' laisse sortir à ch' t heure chi camarate, té peux et' sur qui va rintrer aprés minuit, teut' dit minloute i peut pas laisser sin cat dehors al' pleuffe, mais ché pas cha , i fait un tel boucan in miaulant que cha révele min grand et quand li i déchint ché zescayers pour ouvrer ach' cat , ché avec toute la douceur d un troupio d éléphants
que vie mes gins , mais que vie !