avec ché viux

aujourd hui in a été en espane acater ché cigarettes (chut faut pas l' dire)
mais mi j' rapporte à chaque coup eune trentaine ed cartouches ed cigarettes et cha marche à tout les coups meme ché douaniers i s in doute pas
faut dire qui faut avoir d' l imagination pi du temps lipe, l' veile au soir, j arpeins l' voiture en blanc, pi in va in espane , eune fo qu in a acaté ché cartouches, grand mère ale met toutes ché cartouches dins zin corset qu ale a in d'sous d' sin pull, mi pindant ch' temps là , j' sors deux grands rouleaux d' scotche rouche pi j' fais des crox rouches sur ché portieres, j' sors ch' girofare, j' mets eune grande blouse blanque et in route , meme à ché controles quand qui t arrete , quand qui vo grand mère allongée dins l' carette prete à accoucher , i t' laisse passer à tous les coups
bon ché vrai l' soir faut artirer l' peinture blanque sul' carette , eh cha pas d' tout r'pos

bon j arriffe enfin à min sujet, in va régulier'mint au restaurant quand qu on va en espane , et autant in vo des jones dins ché magasins, autant in n in vo pas au restaurant
j' a ravisé autour ed nous, qu' des viux, cor un pourcentache ed dentiers au met' carré él'vé
j a meme dis à grand mère, té va vire au momint du dessert i vont faire thé dansant et pascal sevran i va surgir del' cuisine ......
as'poser des questions quand meme sul'pouvoir d achat des gins, t in vo plein d' jones qui minchent des sandwiches et ché viux i vont au restaurant
alors là m' femme ale m a dit , eh grand père té plus pret d' chinquante que d' quarante , alors meme si té ch' plus jeune ichi, té quand meme pas loin d' eux
in rintrant, j a ravisé mes chicots , i tiennent te cor bin tout seu.....