l' temps y a pas l' meme vitesse
par minloute le, 20/10/2006ichi l' temps y a pas l' meme vitesse, ej vous parle pas dins ché villes, ché comme partout parel, ché gins i sont maboules, énervés et cor , par rapport al' région parisienne ché loin d et' cha ....
mais ravisez , là j arviens ed l épicerie qui est sul' plache du villache, d' vant mi i avo 2 personnes, et cor l' premiere ale a parti quand que j' su rintré dins l' boutique, j éto avec m' fille
bin d abord l' dame qui éto d' vant mi, chéto la bonne du curé , bin l' temps qu ale discute avec l épiciere entre chaque chosse qu ale acato cha preno du temps
ale est d origine espagnole, mais ale conno tous les classiques du cinéma francais, ale conno ché dialoques par coeur, alors ravisez l' situation, l' épiciere derriere sin comptoir, mi pi m' file in tchiot peu in r'trait et l' bonne du curé qui nous juo raimu dans la femme du boulanger, tout cha avec un accint espagnol , mi j' va vous dire , in est parti tro quarts d heures pour eune boutele ed pipi d américain (pour ceux qui saffent te pas ché c' qu on appelle du cacacola) pi un paquet d' chuques pour l' tchiote
j' vous passe m' file qu ale a parlé avec l épiciere in béarnais, et nous vla chi arvénu
pas grand cosse in pourro dire, mais ché des momints précieux, des momints où ché gins i prennent cor el' timps d' discuter , d échanger, profitons en mes gins cha d'vient d'plus en plus rare ..........