in coup d' vint
par minloute le, 24/10/2006j'passe ichi in coup d' vint, ch' soir ch' su mate et d'main in armet la meme cosse, mais in plus d'main soir in part à toulousse , in va printe l avion pour lille, ouais minloute i part deux jours à lille , j' vous dis pas où , sinon j' va cor avoir un fane clupe autour d' mi, à passer deux zeures à signer des orthographes, eune signature par chi eune aute par là, eune photo avec eune groupie , savez ché pas facile l' vie d' artiste ......(surtout qu' mi ché plutot la discrétion que j archerche) ....
j' vous vo djà l'ver les bras au ciel, ah la la, minloute pas là, ché marie claire, eune garnoule qu ale va s occuper du site, j' sais bin, j' pinse comme vous, ché un sacré risque ed laicher cha à eune garnoule, mais j' peux nin faire autremint
alors j osse pas li laicher des zinstructions, bien qu ale a bien cangé , pasque au départ du site , chéto "esque je peux faire chi, esque je peux faire cha, choisis minloute, in f'ra comme t a dit" achteure, ché "armonte et' maronne té marche such' col" ....
j a fait l erreur ed la laicher printe un peu d autonomie, et cha y est , ale s y cro, eh faut pas qu ale oublie qui a l' vaisselle à faire, ch' ménache, les fiesses à frette à talquer, j' sais à 21 h chaque soir
un tchiot bonjour au passache à frette, frette que j a jamais vu, mais que quand j' va l' vire , j' su sur qui va pleurer sum' n épaule, i va m' raconter s' vie d esclaffe, des zeures intieres such' vélo à pédaler pour qui a d' l eclécité such' site, ah pauv' frette
bon mi j arviens vendredi soir, j'pass'rai un tchiot passache vers 23 h such' site pour vire si ale a pas trop fait ch' brin
(eh nounours, j a mis deux mineutes pour l écrire, mi j' buque avec ché dix dos ché s'qui m' sert l' plus de c'que j a appris au lycée j' cro bin )
bon soyez sache, j' compte sur Cavaz pour vire si y a pas trop d' con'ries such' site pi in verra in rintrant ....allez mes gins à tout rate, mi j' do aller faire min sac