tremblemint d'terre

j' vous jure sul' tete à tata rachel que c' que j va vous dire ché vrai, d ailleurs j' su sur que cha a du et' marqué queq' part, ptete dins ché journeaux ou sur un site internet , mais i a eu un tremblemint d' terre du qu' j habite
chéto dinl' nuit, mi j a rin intindu, faut dire que mi inch' momint, j' rinte, j' minche, j' va such' site, j' va m' couquer, et chinq mineutes aprés j' dors avec l' bouque ouverte qu in pourro i faire passer eune paire d' oliffes que j ' sintiro rin
donc grand mère, m' femme, ale a intindu un drole ed bruit ch' te nuit, comme un grond'mint et l' mason ale a fait "tac" enfin ché elle qui dit cha "tac" ale a cru que chéto cor ech' grand qui déménageo au beau milieu del nuit, ouais faut dire que ch' grand con, j' dis cha avec amour, mais ché un jone ed 18 ans alors i a des idées d' 18 ans, cha li a djà pris un coup ed' déménager ch' champe à eune heure au matin, d' mete sin bureau d' par chi par là , sin clic clac ed l aute coté, et tout cha sans débarasser sin bureau bin seur, donc tout y qué par terre et cha fait un sacré brin
et grand mère am' raconte tout cha c' soir, pasque j éto parti al' nuit au traval, et am' dit té sait ché vrai ch' tremblemint d' terre , tout l' monte i in parlo à l école aujourd hui
bon bin mi j' su nin un grand météroloque, ou un grand divin, mais j' peux vous dire que ch' te nuit i va cor i avoir un trembl'mint d' terre ché sur, et tout cha del faute à grand mère
ale m a "préparé" à minger c' soir et jvous dis c'que j a mingé, et parel tout véridique que si ché pas vrai que l' ciel i m' tompe sul tiete alors in intrée deux zeu durs avec del mayonnaisse, terripe cha , pi aprés un cassoulet oh zinquietez pas, ché nin fait maison, ché un cassoulet quand meme al' graisse d oie, j avo décidé d' minger à la fin du reblochon, mais j' m a dit minloute, là ché trop, ch' drap i risque ed faire ed lévitation toute el 'nuit, ché tchiens hurler à la mort suite à l odeur, nan j a été raisonnappe, j a mingé dl' edam avec du pain et du beurre, voyez in est loin du ouette ouate cheure comme régime, bin meme sans l édam, j' cro qu' ché murs i vont quand meme souffrir .... in tout cas vaut miu faire cha ichi in p'tit comité que faire cha din l' carlingue ed l avion, ché un coup à qui a pu d' pressurisation .....