Les jardinsché zaspirines ....
par minloute le, 31/10/2006m' femme ale a un gros défaut , ché les zaspirines, pas qu ale in print grinmint j' diro qu' ché plutot l' contraire
dans toute mason normale i a bin eune boite d aspirine dins l armoire à framacie, bin pas ichi
ale les planque, ale dit ouais ti quand t in print té print cha comme des bonbons et patati et patata
alors imaginez mes gins m' douleur, d abord m' douleur physique quand que j arviens du traval et que j' ai du maux am' tiete, et l' douleur morale aussi pasque t osse pas d'minder un cachet
ah la la ale t in fait eune tartine, que si t avo pas d' maux at' tiete té tin sort avec eune migraine, alors imaginez quand qu in a vraimint mau as' tiete
alors que j ' a fait , véridique , j a acaté eune boite d' cachets d aspirine al' framacie, tout cha in cachette, ché comme el' premiere fo qu in allo acater des capotes , in n est pas fier et in cro que chti qui est derriere sin comptoir avec s' blouse blanque i vous étudie ed la tiete aux ortios pour vire à travers vous si vous portez un snip ou un can' sson ......
ouais j a m' boite secrete , mais j' vous dis pas du qu elle est , un coup j a eu l' malheur d'la laicher dins l' boite à gants, et al' fin del semaine in part s' prom'ner in carette, ale ouffe comme cha machinal'mint l' boite à gants oh milliards ed milliards, am' n a tel'mint dit qu in rintrant , j a pris un cachet d aspirine ......
