Les jardinsch' pétit train d'Merlimont (1)
par Hervé62155 le, 06/11/2006J'em souviens bien sûr aussi d'ech tiot train là. I passot toudis dins l'rue d'u qu'in louot eune maison l'été. L'maison, al étot dins l'rue intre l' plache du marqué et ch'garache Renault. P'têt que Minloute, j’t’a déjà vu n’dins !
Merlimont a cangé depuis eune vingtaine d'années (par exempe, y a pu ché vieux terrains d'tennis; i ont bâti des maisons d'ssus y a inviron cinq ans)
mais y a incor' souvint un tiot train l'été. Achteure, i est blanc et vert (In dirot ch’ti lal qui étot au Touquet !). Et à m'mode qui fait incor' el même tour!
J’disos qu’Merlimont, i a cangé depuis vingt ans… L’première année qu’j’sus v’nu tavaillé à Etaples i a ving ans, j’a habité dins l’maison qu’in louot à Merlimont in dépannache : y avot personne dins l’coin du 1er septembe au 30 juin ! J’étos tout seu dins m’rue ! Ché gins, i arrivotent el 1er juillet et i arpartotent el 31 août ! Achteure (incor ch't’après-midi ; i faisot frais mais y avot du soleil!), y a du monde tout' l’année ! Seul’mint décembe et janvier sont un tiot peu pu calmes !! Ch'est vrai qui z'ont bâti dins tous ché coins!!!
