Les jardinsles corons chéto aussi!!
par annie62110 le, 10/11/2006din ché corons, in aimot les fêtes ed famille, in faisot guinsse, ch'mineur yavot d'temps in temps un tiot coup dins l'nez, mais chétot pas bin méchant
et pi yavot ché zexeptions, dins tout' ché cités yavot des familles ou l'alcool faiso des ravages
j'ai souv'nir ed'deux familles qui vivotent dins min quartier, ché parints buvotent et ché zinfants trinquotent, et in ch'temps là yavot pas d'protection d'l'infance
dins eune des deux familles yavot eune tiote qui avot "la maladie bleue", y fallot qu'al soit opérée du coeur et al vivot dins un vrai taudis, in veyo même pas à travers ché carreaux tell'mint chétot sale et al étot pas toute seule al avot eune paire ed fréres et soeurs, mi j'avos huit ans , et j'comprenos pas qu'in les laichot comme cha
quand l'ambulance al est v'nue caire l'tiote pour qu'al soit opérée, j'étos continte al allot partir ed là
mais eune paire ed semaines plus tard, j'ai déchanté oh !!
al étot guerrie, mais in l'ram'not à ses parints,j 'sais pas c'qu'al est dev'nue, j'ai déménagé, mais j'ai souvint pinsé à elle, j'y pinse core in ch'momint!!
