l'pain d'1500

l'boulangerie chez Coillot, chétot un monumint d'Fouquiéres
quand in r'passot d'vant in ar'venant d' l'école à midi, in rintrot pour printe ch'pain, vous dire si cha sintot bon, ché pas racontape
tous les jours j'prenos un pain d'1500, ach't'heure j'cros pas qu'in in vot core gramint, comme y savot qu'comme gramint d'gosses j'allos grignoter ch'crouton, l'boulanger qui m'connaichot bien y m'in donnot un (y vindot aussi du pain au poids)
rintrée al maison fallot surtout pas mettre ch'pain à l'invers su l'table, cha portot soi disant malheur, et maman avant d'l'intamer al faisot eune croix d'sus avec sin grand coutiau, bin ché des zhabitudes que j'ai pas perdues, cha fait partie d'nos coutumes et d'nos traditions!!!

mi aussi j'a l' souv'nir del croix, j'cros qu' cha s'féjot partout, et de ch' pain qu'in pose pas à l'invers, j'avoue qu' jé n'fais pus d' croix mais que j' mets pas ch' pain à l'invers

c'que j'em souviens aussi passeque j'avos des copines dins eune famile nombreusse dont les parints étotent sinciers, ché qui z'acatotent eux des énormes pains mais ronds, j'sais pas si i z'étotent d' 1500, sur'mint mais i z'étotent ronds et i m'paraissotent énormes, enfin surtout par rapport à cheux qu'in acatot à m' mason mais in étot moins nombreux

Bin mi j'allos accater in pain d' "3 liff'", cha fait l'minme poids mais in l'app'lot autremint, in faisot des sacrés tartines avec et ch'étot pratique pour sin gouter avant l'étute, m'mère al métot inne tartine coupée in deux soit avec du chocolat ou inne pomme dins inne mallette in toile et in mingeot cha al récréation juste avant l'étute

Pourquoi ne met on pas le pain à l'envers, car pendant la révolution c'était le pain réservé au bourreau

merci Michèle pour cette information