Les jardinschés trottoirs
par annie62110 le, 14/11/2006aujourd'hui, ché trottoirs sont biaux r'couverts ed macadam, ou comme dins ch'centre ville y'a des belles dalles, ché agréape pour marcher, mais quand j'éto tiote chéto pas l'meme canchon
ché trottoirs chéto de l'terre, et y'avo pleins d'nids d' poules et d'orniéres qui s'rimplissotent quand y commincho à pleuvoir
un soir d'hiver in sortant d'l'étude, comme y féjot déja noir et qu'y avo pas gramin d'éclairache, j'ai gliché din eune flaque, et je m'suis rétalée d'tout min long, in plus min g'nou y s'est payé in copon d'brique, j'éto pas claire, mais l'pire pour mi ché qu'j'avo su'l'dos un biau tiot manteau in vraie fourrure avec s'capuche, ché m'grand mére qu'al me l'avo acaté
quand j'sus arrivée à m' maison j'éto din un sale etat, bin vous m'crorez si vous voulez, in s'a plus appitoyé sur l'sort d'min manteau que sur min g'nou, j'soumaquo sur eune chaise avec min g'nou rouche ed mercurochrome, mais l'pire ché qu'selon m'mére min manteau y'eto perdu
el lend'main m'grand mére al a pris ch'manteau et trois jours plus tard y'eto comme neuf, j'eto aux anches, et ch'trottoir dins tout cha?? comme j'connaicho ch'tro, j'l'ai évité pindant longtemps!!!
