les viez'ries
par minloute le, 16/11/2006aujourd hui j a été au traval pi met' eune couche ed peinture dinch' garache pi dans les lantes, pi arvenir al' mason du qu' j a trouvé grand mère in train d' trier ché premiers cartons qu in a dja ram'né
ché tout des viez'ries, des bib'lots à grand mère qu ale avo mis d' pis un momint ed coté
mi j arriffe là et i m' fallo del plache , eh ouais j' ramn'o plein d' outils et d' cartons, et comme ale avo dit que chéto des viez'ries " oh j va faire un tri , i a plein d' trucs qu in va j' ter" qu ale avo dit
oh malheureux, mi j approche du carton pour el fout' al' poubelle, j avo pas vu sin air tout chosse in arvoyant des bib'lots à elle, oh vinguette j avo pas mis deux mains such' carton qu ale éto prete à morte......
j a réussi à "négocier" quand meme qu i avo des trucs qui avotent te pris un coup d' louchet mais cha a été dur, bref , ch' nompe ed cartons i diminue pas grinmint dinch' garache del nouvelle mason et in déménache que dans deux s'maines
par cont' d' zaffaires à mi, faut qu' cha dégache..... là ale a pas d' sentimint , "té va pas garder cha , ché tout viux , cha sert pu " et mi pour faire l' monter l' pression j y dit " eh comminche pas ti, j' pourro dire l' meme chosse ed ti, estime te heureusse d ete du déménag'mint"
là cha li freume sin clapet pi ale hausse s' zépaules, dins coup comme cha ale attaque pu mes cartons à mi....
mi am' mote qui va falloir qu in construisse un hangar pour tout ringer d' dins