L' Docteur Boudenne
par Marie-Claire le, 17/11/2006L' Docteur Boudenne
poésie de J Mousseron
J'sais faire el graisse ed tchien, l'compresse d'ognons
L'chiqu' pou l' mau d'dints et l'argil' pou l'frognon (1)
L'crèm' d'arnitoil' si bonn' pou les copures
L'peuntierr' râpée qui fraîchit les brûlures,
L'implâtre à fair' ramincir les gros gnoux,
Et les sangsurt's pou faire passer l'souglou
Ej guéris tout : l'démigrain', durte orelle,
Romatiqu'(2) mâle et romatique femelle,
Déquint'(3), boursiaux(4), grèv' dé gampe, écauff'mint,
Esquitt'(5) porgeons (6), les rougeurs, dévoîmint,
Tapur' (7), quenn'touss (8), l'saisissure, l'ramette (9),
Gal'forbatu'(10), brûlant, catarr' dins l'tiète,
Langreux (11), berlou, sec-héring, cras-broyaux,
Cranqu' (12), mal-caduqu' (13), sang d'pisson, sang d'naviau.
(1 irritation) (2 rhumatisme) (3 descente d'organe, 4 bosse) (5 diarrhée, 6 verrues) (7 lumbago, 8 coqueluche, 9 muguet) (10 ampoule enflammée) (11 anémique) (12 crampe, 13 épilépsie)