sondache (1)

Acoutez mes gins, mi avec m’femme in est d’Bruay, in a gramint déménagé d’pis not’ mariach’, in plus in a vécu à l’étranger, nos files aussi viff’nt hors del métropole, i font leur trou comme in dit, mi personnel’mint j’ai fait min tour du monte, à ch’t’heure in a posé nos valisses du côté d’Montpellier, i a l’solèle, et min terril à mi, ch'Pic St Loup, mais j’continue d’dire à tout cheu que j’connos que j’sus du Nord, un vrai Chti, in boïau rouch’ pour chés puriste du Nord, j’ai jamais arnié mes origines, j’sus né dins chés corons et j’in sus fier
j’ai jamais connu l’fond passe que mes parints i z’ont jamais voulu, passe que min père a dû ar'monté au jour suite à in accident, i a eu d’la chance i est pas mort, min frère i est resté avec inne gampe raite, l’aut’ frère i l’i manque sin bras droit, tout cha à causse del fosse, donc i étot pas question que j’déchinte au fond et min pus jeune frère non pu.

Comme i avot pas grand quosse d’aut’ que l’fosse à Bruay, bin i a fallu partir d’là et trouver du boulot ailleurs, ch’est c’qu’in a fait min frère et mi.
Ch’est pour cha que j’sus expatrié dins l’sud, dû que j’ai posé mes valisses, mais j’sus toudis heureux, contint d’aller su l’marché d’la gare l’dimanche à Bruay quand j’y artourne d’acouter chés gins parler, d’raviser si j’connos cor quelqu’un que j’connossos dins l’temps, bin ch’est fini, i a pu inne tète connue.
Minme l’dernière fos quand j’sus allé vire l’traiteur su l’rue A. France, l’ fils, du fils à Omer et Marthe, bin l'fils d'Omer, Daniel i m’a vu, j’y ai fait coucou à travers l’vitre de ch’magasin et i est minme pas sorti deux minutes d’sin bureau ch’fainéant là pou m’dire bonjour, alors que mi j’l’attindos dehors, bon i avot in client, mais quand minme, j’va l’vire inne fos tous les deux ou trois ans.
Deux minutes à m’accorder, bin nan, cha m’est resté in travers.
(Minloute si té vas l’vire quand t’armontras té pourras i dire)
Tout cha pour vous dire : « soyez fiers d’être Chtis »
mais faites votre vie là où elle se passera pour le mieux, pour vous et votre famille, car vous étes partis et vous serez vite oubliés, mais vous, vous ne les oublierez pas et c’est là, la différence, notre fierté.

A Loumarcel, T'as raison fiu . Nous ché parel. In est déchindu y a déjà 15 ans.
On habite à côté d'Béziers.
Ché vrai qu'in n'oublira jamais note coin.
Et que plaisir d'artourner à Bruay, Divion, Calonne, etc ...
Tiens, in armonte el 1ère semaine ed janvier.
Si t'as quetquosse à photographier, ou a arméner, dis me le.
Ché parel pour tous chés zautes internautes qui connaissetent ech' site.
Salut et vive le PDC !!!
Georges.