Les jardinsl' maison des soeurs
par potié vital le, 22/11/2006quand j'étos enfant d'choeur eune fos par an j'sais pas pourquoi in allot servir eune messe à leur maison toudis in hiver. le mot maison est faible, in devrot dire catiau tellemint chétot grand et luxueux.
in passot à l'sachristie querre nos chaussons rouches et in allot à leur maison.
In attindot dins eune pièce à l'intrée, sur l'quéminée y avot eune sainte vierche avec s'couronne d'étoiles in l'ravisot toudis tellemint al étot belle.
et pis y faijot bon dins l'pièche, in s'rallonjot par terre in aurot cru que l'chauffache y vénot d'là. in étot dins l'pénombre pas d'lumière
Eune soeur al vénot nous querre pour servir l'messe dins leur chapelle, y zétottent tertousses à leur plache comme à l'églisse.
L'églisse à coté chétot eune misère tellemint l'richesse al sautot aux yeux, chétot pas eune maison d'coron mais l'chateau d' Versailles
j'pinse pas que beaucoup d'gins l'ont vue, ché aussi bien
avec nous y zétotent polies indifférentes même.
leur maison al est abattue ach'teur commme l'reste
