l' viante pas cuite
par minloute le, 23/11/2006zavez vécu si in peut dire l ambiance du diminche al' mason au momint du découpache del viante au r'pas d' midi
mais i avo d abord eune sentence terripe, chéto quand min père i coupo l' viante et qui r'gardo à l intérieur, ah la la si l' viante ale éto pas assez cuite, cha y est chéto arparti pour un tour ...
odette ché pas cuit, alors m' mere qui éto restée in r'trait ale dijo l' phrasse qui fallo pas dire " té sur pasque cha cuit d'puis un momint" , malheureusse ...quo qu ale avo pas dit , i li démontro in écartant l' viante avec l' grante fourchette que chéto cor trop rosse, et là j' dois dire que mi grand vinte , j allo pas dins l' sens d' définte m' mère, j' pousso un grand soupir ed décourag'mint , d abord pasqui allo falloir attinte pour minger, et que meme si j' me vingeo un momint sur eune ou deux tartines, j avo dro aprés par min père "fout pas du pain dans ta tete" ché véridique comme expression, brev'tée , garantie, inscrite au liffe des r' cords, estampilée nf , du sur ........
pi au d' là d' cha , min père i tiro s' guiffe, oh j' do dire que j arsonne quand meme à min père par certains cotés, disons coté patience ...surtout pour minger
bon in armetto ch' plat à cuire, fallo pas que m'mère ale arcomminche as' justifier, min père i allo li artrouver des fautes professionnelles dinl' cuisson que li i a cuisiné qu in coup al' mason que m'mère ale éto pas là i avo fait del escalopes avec eune sauce moutarte, que meme mi, qui adore quand ché arlevé, chéto un truc que té grimpo aux murs dirèque ....d' l arissa à coté chéto du youyourt, eune vraie arme ed guerre qui avo fait, in a échappé tout juste al' poire dins l' derriere pour faire un lav'mint pour vous dire
bon j arviens am'n histoire, l' viante ale arcuiso, grand silence à tape, quo faire, juer à faire des boulettes ed pain, oh fallo pas s y amuser, là t archevo d' zal'bartes ed reproches, interdit ed juer avec ch' pain, mais interdit deus' lever d' tape, alors té raviso cor un coup l' dessin du fond d'eut' n assiette ......
bon allez m' mère ale oso s arléver, pour raviser si l' viante ale éto cuite, chéto bon, mais attention fallo cor qu' min père i donne eus' n avis ........
j' raconte cha mais croyez pas qu' min père chéto un violent envers m' mère, nan chéto dins sin caractère ed cochon , et ché vrai j al' meme .....