Les jardinsin sorto cha aux grantes occasions
par minloute le, 24/11/2006in a tous vu cha , in a tous eu cha al' maison, oh in l' sorto que dans ché grantes occasions, chéto l' ménagère
eune espéce ed valisse, et quand j' dis valisse au singuyier, j' pourro met' au pluriel, vu qui n avo au moins deux..... et que d' in l' valisse ou les valisses y yavo ché bios coutios, fourchettes, et cuillères, tout cha bin ringé dins des fentes qui épousotent l' forme d' ché zustensiles , souvint ch' fond i éto comme in v'lours couleur rouche , chéto l' tradition
in les sorto qu à d'rares occasions, un r'pas d' famile à tous les coups
in les raviso la veile vire si y avo beaucoup d' traval à faire ed sus, souvint ché manches i zétotent comme noircis , et pourtant in les sorto pas grinmint, eune fos astiqués chéto eune fierté pour l' maitresse ed mason d' les déposer sul' tape
ché des services nin pratiques, souvint chéto bin plus lourd que ch' coutio d' d' habitute, mais chéto comme ché les riches, alors in dijo rin ......
j oublio d' préciser que l' ménagère chéto un des gros cadio qu in pouvo gagner si in ram'no un nompe suffisant d' cartes rimplies ed timpes à la coopératiffe in fin d année ....
