in fait comme chi ....
par minloute le, 27/11/2006que saison, hier j a été dans les lantes am' mason et là y avo ch' camélia qui éto tout in fleur , aujourd hui i faijo un tchiot peu fro ch' matin faut dire qui éto six heures, mais aprés dinl' matinée , j' travaillo dehors in ticheurte
as' deminder si ch' t année l' père noel i va pas faire es'tournée in short et in maillot d' peau......
bon ché nin l' fro mais ichi in fait comme chi, ah ouais pasque si fallo attinte qui fasse fro pour minger del poitrine feumée, (comme j' dis à grand mère , j adore la poitrine , ale hausse ché zépaules avec un air du genre, mais ché pas possipe as' n ache d ' réagir cor comme un gamin .....)
bon j arviens al' poitrine ,mais j' parle du lard , mi j' le préfere fro, savez in mingeant des tchiotes tranches, avec del moutarte pi des cornichons, j' su cor al' recherche d' gros zognons in bocal, mais j in trouve pas par ichi
enfin, ché quand meme bon, et tout cha bin seur avec des frites ah la la ajoutez me eune salade ed chicons avec des morciaux d ale ed 'dins cham' suffit à min bonheur