eune branque ed thym
par annie62110 le, 01/12/2006em'mére chétot l'reine du ragout, aux carottes aux navets, ragout d'mouton avec des z'haricots, jardinière ed légumes, boeuf au jus, etc
mais dins tout cha y fallot eune branque ed thym, et du thym y n'avot dins ch' gardin et al s'y servot à volonté
comme min pére y'étot maite dins sin coin d'tierre y dijeot trop rien, mais quand ch'thym y'étot in fleurs, fallot pas y toucher, ché li qui cueillot, si in voulot l'intindre raler, in n'avot qu'à saquer du thym a ch'momint là, alors là in étot sur de s'faire crier d'sus
même si in prenot toutes ché précautions du monde, bin i l' veyot ch't'à croire qui comptot ché branques