ch'pain gatiau
par Bebert le, 12/12/2006Vous avez tous intindu parler d'chés tikets d'ravitalement pendant la guerre, et même assez longtemps aprés?
In allot pas faire ses commissions din nimporte que boutique! et souvint y fallot faire la queue aveuc ses tikets!
eune fo, em Mère al m'invot querre ech pain à mon MARIE à GOSNAY.
J'devos avoir 6 ans pététe 7?
J'attindos min tour comme tout l'monte,
ech pain yétot pas cuit, et pour nous faire patienter: j'intinds MARIE dire : "HA! mais aujourd'hui y s'ra meilleu y a des oeux n'din, cha va ete du gatiau:" j'em pourléquos déjà! j'a toudi été eune bouque à chuc.
V'la min tour, Marie m'donne euch pain aveuc el'pésée (l'apoint pour faire le poids correspondant) eune belle tartine, bien jaune comme du gatiau!
j'cros qu'éto pas arrivé d'vant MYOUX
ch'boucher, que l'avos déja avalé! chétot bon! ech quémin long jusqu'àl'mason alors d'viner quoi? et ben ouai! j'ai minger la mitan de ch'pain! J'vous dis pas l'danse que j'ai pris en rintrant! j'min rapelle de ch'pain d'maîs! Atons idée dire cha devant des jônes qui ont faim?