Les jardinsles couques ed Noël
par Annie Labbé le, 12/12/2006quand j'étos tiote manman al faijot des coquilles pour d'jeuner l'matin ed Noël, al patricot l'pâte i fallot l'laicher arléver un bon momint, pi al faijot des tiotes couques à 2 têtes, min traval à mi chétot ed faire unn boutinette au milieu ; cha parfumot tout l'maison quand qu'cha cuisot!
aussi l'préparation ed Noêl cha m'met toudis in foufelle, poutant acht'heure té peux tout acater tout prêt, nan i faut qu'ech fabrique el bûche, des tiots sablés in forme ed sapin et d'étoile ... des chocolats pi farcir dattes, pruneaux ... avec del pâte d'amande (personne n'in minge, mais cha s'rot pas Noël si i n'arot pas su l'tape!) et j'ai quére aussi décorer l'maison même si in est qu'a deux ch'est des habitudes, et des souv'nirs d'infance qui r'montent!
chés Noël tout simples d'avant chétot les plus biaux! jeunes mariés in avot pas gramint ed'sous in s'muchot pour fabriquer les juets de ch'tiot, sin pére y avot fafriqué un chateau fort avec del récupération , et mi l'cape ed Zorro y s'in rapelle cor !
