Avec des Si !

Si seul'min min grand-Pére, is'rot arrivé à l'artraîte, et in profiter eune paire d'ans! iaurot eu l'temps de raconter c'mint cha s'passot au fond!
y étot garde d'écurie, ché marqué d'sus s'n'acte eud'décés que j'peux vous faire vire!

Y'ést mort in 1935, à 44 ans, suite à eune pleurésie qu'i avot attrapé un coup qu'i étot arparti à l'fosse, pour donner un coup d'main à déménager chés bidets, qui risquottent d'étes noyés, pasque y'avot eune innondation au fond (pétète chés pompes in pannes? j'en sais rien!) Li il'avot su cha, par cheux d'l'armonte! qui avot l'brin din l'talle et chés bêtes i sont pas faciles à controler quant-i sintent eule danger!
Vla c'mint, qu'min grand-Père i a attrapé s'mort! in laichant là 4 infants

Et pour avoir eul'drot d'éte logée!, hé ben fallot quéqu'un qui aille al'fosse! Eume Mère qui étot l'pu agée , ale a été au triache, pis m'tante Paulette à lampist'rie, et pis m'tante Ginette aussi au triache! chaqu'une 1 an ou 2.
M'n'onc' Louis, li y a pas déchindu , pas'qui avot eune malformation!
Eume Grand-Mère alle a du déménager au moins 3 coups avant d'aller dins un coron d'chés veufes!
Ceum'int voulez vous, que j'mi artreuf?

In 1943 alle a quitté Bruay pour aller à la campane, dusqu'in avot moins d'russes
pour cacher à minger!
Eume Mémé, alle avot 2 frères à Bruay
des houilleurs comme on les z'applot à l'époque! (Georges et Michel CARON)
J'eume souviens à peine d'eux, mais si des mempes d'leur famille y s'arconnaich'tent? j'les z'imbrasse, in est des tis-tis, cousins!

Eusse su du matin , y est 3h1/2 , j'viens finir eune n'histoire!
j'dijos donc que min Grand-Père i m'aurot fait connaite eule fosse à travers sin vécu, mais j'eun'cros pas que j's'ros déchindu!
In digeot qu' éte à l'air chétot miux qu'al fosse ou in usine, mais Si , y fallot des sous et pas gramin d'ouvrache au jour!?
Chés Grands'oncs Georges, Michel et eume Grand-Mère Eugénie Caron, y z'étotent natifs de Tilques!
min Grand-Père, ed Boisdinghem! pour eux aussi chétot eune émigration, pas si long qu'nous, mais quand-même, fallot l'faire, eud s'intégrer dins un nouviau monte dusque té vos chés gins un cop blanc, un cop noir! pasqu'i vientent deulel'fosse!


Comme in digeot dinl'temps , "ché toudis ch'pu biéte qui broutte", l'aute y est din l'barrouette ou l'caisse comme té veux ! Acht'heure I sont pu in bo aveuc eune reule ferrée! ben non non
iz'ont des pneus larches que te t'intiqueras pas din ch'gardin! i z'ont des bonnes caisses (Mercedes, BMW)! i ont tous leur gardin à mon Cora et à mon LIDL! eule tierre alle est moins basse, que dins l'marais d'Saint-OMER!