Les jardinsà la nouvelle année
par minloute le, 31/12/2022ch'éto toudis l' meme rituel ...
à ch'repas d' la nouvelle année, Papa en fin d'matinée , "i faijo taxi" comme i dijo
i allo ker m' grand mère qu ale habito chez ma matante, pi plus tard sin frère Octave (in prenonço Octaffe)
et là quand qui arrivo al' mason, (fallo du temps pour qui artire sin mantiau , min père i dijo que chéto "eune longue prone" ) i s'dirigeo vers s' soeur
Mémé , m' grand mère chéto l ainée d' 8 ans , née en 1892 ....
et quand qui s imbrassottent ch'éto comme chi i ardeveno l' cadet à ses ziux
alors j' connaisso l' scene par coeur, i s approchotent l un d' l' aute, à leu vitesse , i s'ravisotent , i s' dijotent bonne année et SURTOUT UNE BONNE SANTE , pi i s imbrassotent tendrement
mi du haut d' mes 12 ans, j' trouvo cha presque ridicule d' les vire comme cha presque comme des zéfants ...
Octaffe y a parti ch' premier , Mémé elle ale cor vécu 12 ans aprés li
le temps y a passé et j' su asteure meme si cha fait bizarre d' l' arconaite, j' su largemint plus proche in age d' eusses à l époque , que d'mes 12 ans......
l' temps y a passé , et meme si j' m in moquo interieur'mint ach' momint là , j' do avouer qu asteure y a qu' la santé qui compte ....
