la petite musique de nuit

j a appelé cha " la petite musique de nuit" comme dijo min père ..

mais artournons en arrière au miyeu des années 60 ..

dins ché corons in avo ché ouatères à l extérieur del mason ..

au lieu de dire ouatères ou cabinets, ch' vrai mot chéto les "commodités" ..

bin à devoir arsortir au soir , s'armette eune rhabillure su ché zécalettes pi des godasses aux pieds, alleumer ch' quinquet , traverser l' cour par tous les temps pour arriver al' fameuse porte in bo des cabinets ..
pour nous chéto pas commode ..

alors pour palier à cha in utiliso ch' pot d' champe , bin ouais savez plus qu in vieilli moins in a du maux à artenir s' vessie ...

pi quand qu in est jone , in a jamais assez pris ché précautions ...

à ch' t époque là , j' dormo dans l' champe des parints vu que mes soeurs et frere occupotent les deux autes champes .....

alors en pleine nuit j éto souvint réveillé par un son caractéristique le fameux "gling gling glang glang " , son qui v'no du pot d' champe in émail qu' min père utiliso ...

j' vous avo dit qu in éto au miyeu des années 60, le plastique éto en train d' tout rimplacher c' qui éto en férale ..

mais pour papa pas question d' canger, i a toudis été fidèle à chti in férale

à "mon pot " comme i dijot

d ailleurs quand qui déchindo del champe en passant d' vant l'pieche du qu in prenno not' pitit déjeuner , pot d' champe à la main, i le levo comme chi chéto eune lanterne

c'qui avo l' don d énerver m' mère d ailleurs

pot eune fos vidé dins ché cabinets, maman ale preno le relais en i mettant d' dins eune bonne dose d' javel qui vous prenno insuite par les naziaux...

ouais maman ale avo toudis peur d' ché fameux micropes ...

j' vous parlo de petite musique de nuit , autant papa li i faijo plutot dans les aigus quand qui picho d'dins, vu que chéto des parois metalliques..

autant mi cha faijo un bruit plus sourd, non pas pasqu in avo pas l' meme robinet, mais ch'est que mi j éto à la pointe du progrès d' l époque, j avo eu dro à un pot d' champe in plastique