ché criquets

minloute , cha y est té peux la printe ...

qu ale dijo m' mère en parlant d' la grosse boite d alleumettes qu as' servo pour alleumer ch' fu .....

j ' l' attindo d ailleurs depuis un momint ,dire que j a pas j' té des alleumettes discret'mint pour qu in arriffe plus rapid'mint au fond d' la boite, y a pas long à l' croire ......

d' ailleurs j' dijo bin à manman, d acater que des GROSSES boites, pas ché lots du qui a des toutes tchiotes boites
pour eune bonne et simple raison que chte fameuse boite ale allo bin m' servir

alors ché plus jones cha va pas leur rappeler des souvenirs car , hélas, i zont pas connu ch' temps là .....

i zont pas connu l' temps d' AVANT, oh ch'est un temps pas si lointain, mais qui a tel'mint cangé les habitutes de tout l' monte..

le temps d avant internet ...

né au début des années 60 , j a cor eu la chance d avoir gardé longtimps eune certaine forme d innocence ....

des joies qu in eu infant, et qui asteure à l age d' la tablette, du smartphone, d' l" audivisuel" à outrance , paraissent puériles ...

et pourtant ...

que j éto contint avec m' boite d alleumettes vide .....

j y percho des trous sul' dessus , pi j attindo l' jeudi , jour du qu in allo pas à l école, pour avec mes camarates printe possession del pature qui yavo au bout del rue ......

chacun avec s' boite d alleumettes dans eune main, in avincho comme des zindiens
fallo pas faire grinmint d' bruit pour aller s assire discret'mint au miyeu des grantes zerpes et pi attinte , l' main prete à eune attraper eune ......

fallo et' rapite pour attraper ché sauterelles, ché criquets comme in préféro les appeler comme cha ...

l' but ch éto d attraper l' plus grosse, pi d' arriver à l incrinquer dins l' boite , duch'mint , en faijant attention d' pas li arracher eune patte sinon cha allo pas compter ....

fallo del patience, pi pas faire d' bruit intre nouzautes, pasque ch' criquet i éto sul' defensive et i éto bin plus rapite qu' nous
eune fo qu in avo fini d' les chasser , ouais cha duro qu un temps, savez quand qu in a moins d' 10 ans , in a besoin d exercice comme dirotent ché grantes personnes ....

in faijo tout l' contraire qu in avo fait avant, in s ' metto in ligne, pi in couro comme des ébeulés au milieu d' ché grantes zerpes rin que poul' plaiji d' les vire sauter d' partout à not' passache ...

pi quand qui éto l heure d' artourner à nos masons, in rouvro ché boites d alleumettes delicat'mint pour leur rinte leu liberté ...

plaiji tout simpe mais allez raconter cha asteure à un jone, i va vous raviser avec des zeules d'merlan frit....