Les jardinsmauvais temps sur la cote
par minloute le, 25/09/2022y a des jurs du que la mer ale cangeo du tout au tout ........
"moins accueillante" in pourro dire en "bon français"....
du haut d' mes 8 ans, j'em demando de du qu ale pouvo v'nir toute ch' te mousse qui veno s échouer sur toute el' plage ....
as' deminder , si yavo pas , au large ,tout un monte mystérieux .....
fichelle du drapeau qui claquo contre ech' mat du que le drapeau rouche éto dréché ........
vint bin rasant qui veno d' la mer , qui faijo voler ché grains d' sape ...
grains d'sape qui prennotent plaiji à v'nir vous fouetter ché gampes si zavez eu l' malheur d' rester en short , meme arcouvert du fameux kaouai......
bouteles en plastiques qui arrivotent en masse joncher tout ch' littoral
(j'prenno plaiji à essayer d' in deviner l origine en lisant c' qui éto marqué su l emballache)
départ del promenate pour ché plus courageux , départ contre ech' vint , à lutter quequ' fo cont' li, tete baissée à reviser nos ortiaux tout in avinchant ..
retour plus rapite, vint dins l' dos, direction l ' esplanate...
bon bol d air qui dijo min père pour justifier not'péripe , presque tout seuls qu in éto sul' rivache ...
avec quequ'fos arret surprisse ach' marchand d' gauffes in rintrant ...
ah mon diu qu ale éto bonne ch'gauffe au chuque, qu in l apprécio, qu ale nous récauffo, nous qu in avo ch' nez qui guilo ..
