Les jardinsprendre des photos ....
par minloute le, 15/01/2022Mon Dieu que j' su contint d avoir pris ché photos là ......
j'em dijo que j auro même du in printe plus quand que j éto jone..
mais à ch' t époque là fallo faire développer , et in raviso à deux coups avant d' printe eune photo..
pi pourquoi photographier ch' quotidien, in pinso que cha bougero pas dans l' temps
pi in in voyo pas l intérêt ...
pi le temps a passé , pour nous comme pour la ville, ale nous a pas attindu, ale a cangé , en bien ou en mal in peut pas juger
in tout cas l activité minière ale s a arrêté, et en 40 ans , ch'est devenu presque un souvenir du passé
ché anciens sont plus là , ou plutôt asteure ch'est nous ........
in peut pu les rincontrer alors quand qu in armonte du qu in est né , in va s'raccrocher à c'qui reste d' note quartier
c' qui reste pasque grinmint ont été abattus, transformés, in tout cas pu à l image qu in s in faijo cor
photo de l ancien coron de la rue Raymond Deruy avant les rénovations, cor là in peut pas trop s' plainte, le coron y a été gardé , j' vous parle pas du 3 du qu in a asteure du maux à s y arconnaite
( 1 photos)
