ch' facteur et ses calendriers

mi décempe, ch éto l époque du que ch' facteur i allo passer pour ché calendriers ....

in savo l'jur qui allo v'nir pisque y avo d'minder à m'mère quo qu ale avo ker comme imache pour li in t'nir compte ..

faut dire que manman , comme grinmint d' ailleurs , ale avo toudis ker so des photos d'cats, d'quiens, so des photos d'montane ....

j' arpasse ch' t après midi qui nous dijo un matin, pour et' sur qu in so là et qui a pas porte d' bo....

vous dire à quelle heure i passo, ch' éto toudis variape....

cha dépindo du nompe d' arrets qui avo fait sus' tournée avant .....

sur qui devo pas boire un tchiot coup à chaque coup, mais savez ch'est toudis difficile d' arfuser à ché gins ....

un jur qui a vénu al' mason i arrivo pas à ouvrir ch' portillon, cor heureux que m' mère ale le guetto ..

quand qui a rintré al' mason, mon diu..
comme canto min père après sin passache in arprenant eune canchon d' Dalida " la mine triste et les joues blèmes, tu n es plus que l ombre de toi meme" ..

enfin, "les joues blèmes" chéto pas l' cas, y éto bin rouge, comme sin nez d ailleurs......

mais pététe que ch éto pasque i passo toudis du frod d' la rue al' caleur des pieches du que ché convecteurs i donnotent à fond ....

manman ale avo pas ker l' vire comme cha, comme d ailleurs tout ch' ti qui pouvo avoir un coup dins l' nez ...

ale le devincho en li dijant, " zavez des catalogues avec ché cats ?"
ch' pauv' préposé i avo du maux à in sortir quequ' zuns, m' mère ale l arreto tout d' suite, en choisissant tout in li donno rapid'mint sin billet ..

et pas question d' li vercher un verre savez ...

zallez dire que j ezagère , mais eune année , ch' facteur y a fait s' tournée avec sin fils qui devo avoir eune quinzaine d années

pauve garchon cha impécho pas sin père d' printe s' prone ...

eune fo ch' facteur parti, manman ale raviso si i reussisso à rouvrir ch' portillon ..

pi ale raviso ché photos d' cats avec mi , ale auro bin voulu mette sin calendrier en évidence sur ch' buffet d' la cuisine, mais j' li prenno des mains, tout cha pour raviser ché plans des villes et surtout l' grante carte au miyeu du qui yavo sur 2 pages le département du pas d' calais ...