Bruay et ses petits commerces

ech'matin j'étos in train ed'lire un sujet ed' minloute intitulé Bruay cham'manque
à un momint donné i dit à Bruay y a pu personne à pied vu qu'y a pu ed'pétit commerce. ch'est vrai.
el coup passé j'y su inr'déquindu pour aller à l'interremint (pas ach'ti ed min père décédé el mos passé là on m'a pas invité), mais d'un cousin.
j'avo pris 3 jours ed' congés j'in ai profité pour aller em'prom'ner

ej' sus parti d'el rue Paul Daguerquart, insuite j'ai inr'joint el rue ed' Victor Hugo et comme chétot un vendredi ej' sus allé faire un tour au marché.
in déchindant el côte du 3 cha m'a saisi din'l'temps y avot plein ed' commerces

y avot ech' marchand ed' meupes qui s'app'lot Véron, in face chétot ech' machand ed' télés Smidren, plus bas y avot aussi un marchand ed'photos, un marchand ed'juets, eun'mercerie, un marchand ed'tapisserie, eun'épicerie etc

tout cha cha n'existe pu. après ej' sus arrivé au marché et là que tristesse "y avot quate forains qui s'battotenet in duel"
ej' sus allé boire un verre à mo d'Autriche là y avot pas un pécore
insuite ej'sus parti au Galopin, là rebelote, ej'sus parti min ejechter un au café ed'la jeunesse là parel là nan pu y avot pas un tchien

ed' la j'ai continué em' balade in inr'passnt par el rue de Vieux Marché et pour finir j'ai inr'monté el côte ed'la Cavée
là ch'est parel tout in haut d'el' côte y avot plein ed' pétits commerçants i z'ont tous fermés boutiques

comme dit minloute tout cha à cause des grandes surfaces, n'impêche que Bruay que j'avo si quère ch'est devenu eun'ville morte à tel point qui m' restot 2 jours à rester labo, j'ai préféré inr'monter in région parisienne parce qu'ej'commincho à déprimer.

j'espère qu'el "voyache" i va pas vous paraite trop désagréape in tout cas in mettant el sujet cha m'a rapp'lé quand même eun' paire ed' bons sovenirs dont j'essayerai ed' vous faire profiter dins mes prochains sujets.