Les jardinsla surdité au fond (1)
par potié vital le, 21/06/2007Comme que j'vous l'dijos hier quand j'ai fait l'bilan j'étos d'jà bien atteint in m'a invoyé vire un spécialiste qui m'a posé des questions et fait un dossier de surdité
Or le fait de lui avoir dit que j'avos eu l'otite jusqu'à 6 ans
chétot du pain béni pour la suite
pour pas aller in Ingola 4 ans i a eu un arrivache d'gins du pays colonisateur qui sont v'nus travailler dù qu'jétos, i z'avotent intre 19 et 22 ans, eune bonne quinzinne
Eusses i sont partis in retraite avec eune pension d'surdité maladie professionnelle, mi rien
in n'peut quand minme pas donner eune pinsion à un sourd d'naissance comme cha
j'ai archu eune lette de l'sécu comme j'avos eu d'l'otite étant pétit je n'pouvos pas ête arconnu sourd professionnel
in 1991 ch'étot 15000fr tous les 3 mos, et chés forgerons i l'avotent à commincher par les cadres directeurs de fabrication et contremaitres
Quand té travalles dins eune forge l'bruit ch'est comme l'poussière al fosse ch'est pour tout l'monte.
chés forgerons avotent des casques anti-bruit l'controleur des bouchons d'ouate
al visite médicale à l'usine l'forgeron i passot dins l'cabine pour controler sin taux d'surdité, bien que travaillant à coté d'eux l'controleur nan i n'y avot pas drot, l'surdité ch'étot réservé
A l'fosse j'pinse pas qu'au fond i avot l'méchanceté qu'in trouve dins s'intreprises, des gins qui se sont suicidés i n'avot
et des gins qu'in à rindu fous j'in connos aussi
ach'teure in soulève l'problème mieux vaut tard que jamais
