Les jardinsmémère in avion
par potié vital le, 10/07/2007bonjour le site , onne vacances à ceux qui y sont
eune pétite histoire d'vacances pour vous faire sourire.
quand pépère est mort, in a demandé à mémère si al voulot v'nir in vacances avec nous in y allot in avion , mémère al a dit ouais cha i cangerot les idées.
Mémère al avot fait s'valise eune un carton des années 40 avec eune chinture autour in cas qu'elle se s'rot ouverte in route
chétot l'premier coup qu'al prénot l'avion al avot bien 75 ans
mais al avo la pêche, l'avion in l'a pas vu in a passé dins un tunel et in a été s'assir à s'plache, mémère al s'a mis al fenête in avot réussi à s'inringer avec ch'ti qui i étot pour qu'al voche commint qu'cha fait quand in décolle
à Nice in a cangé d'avion in n'a eu un pétit à hélices, un Fokker, in n'étot pas beaucoup d'dins, l'hotesse al nous a offert eune boisson
mais mémère al n' a pas voulu dès fo qu'cha f'rot trop cher
l'séjour cha été mais du qu'in étot chés canadairs i v'notent faire l'plein et i passotent juste au d'sus d'nous têtes et cha gouttot core
in métot ses mains au d'seur de s'n'assiette quand in mingeot
l'midi et l'bruit qu'cha faijot in s'intindot pu
dé l'funquerre in n'a vue cha nous cangeot pas des UCMA
pour arpartir in a eu une caravelle mais cha été juste
ch'terrain d'aviation i brulot un feu d'herpe.
vous veyez in est aussi bien à s'maison
