l'pont des Imbéciles à Marly
par TIOT RITAL le, 06/12/2007El pont des soupirs à Bruay n’arsanne pon à ch’ti du même nom d’Vénize pasqué là, ceusses qui passotent padzeur dallotent s’faire belmint estoquer (tuer) ocore moisir in prison pou l’resse ed leu vie.
Mais mi,j’voudros paler d’un aut’ pont, el « Pont des Imbéciles d’ Marly les Volinciennes. I’a quèques dizaines d’années, à l’indrot duss qu’i’a achteur l’quartier des Floralies, s’treuvot su l’quémin qui va d’Marly à Persiau, un pont placé au mitan ed 2 secs viraches contraires (in "S"). In pusse cha déquindot in v’nant d’Persiau . Edon les carettes, motos et vélos qui n’savottent point ralintir gramint dallotent s'frotter ocore obin pire buquer cont' el mur du pont. In disot alors : « Cor un imbécile ! Obin i'a du bren au yux obin i'est kervé !" Ch'est ainsin qué v'nu l'nom du pont.