Les jardinsaller à la mer
par minloute le, 29/12/2007asteure in print s' carette sans y pinser, allez in route in va passer eune journée à la mer, belles routes, bonnes carettes avec du confort
mais y a 50 ans chéto nin l' cas, aller à la mer, chéto eune expédition, surtout qu in y allo avec l' estafette ed mon monnonque , chéto nin aux normes , savez, y avo pas assez d'sieches derriere alors y avo rajouté des caielles in bo, d ailleurs in in vo eune sul' photo
aller à la mer chéto magique, chéto loin, l' aventure ..... surtout ch' coup là , i zétotent partis et in route i zavotent eu so un asquident so eune reule ed crévée, alors i zavotent fait un arret , bon aprés l arret pipi , i sont passés aux chosses sérieusses et au lieu d' raler comme in f'ro aujourd hui , i zont l air d avoir pris cha par l' bon coté ....
sul' coté in d'vine l' porte d' l estafette et dinch' fond , j' su nin sur si ché pont l arriere d eune juva 4 espécialistes à vous d' juer
au début des années cinquante pour aller à la mer m'n'homme i prenot un car citroén à l'Idéal su l'route d'Annay sous Lens ch'étot folkorique, i s'in allotent in famile avec armes et bagaches, i fallot r'monter tout l'ville d'Harnes avant d'arriver à ch'l'arrét d'bus
aprés jusqu'à l'barriére et d'Rang du Fliers i fallot arrêter à tout chés villaches qui avot su l'route et eune fos arrivés à destination i restot deux kilométes à faire à pieds pour arriver dins ché marais intre Bagatelle et Merlimont, où sin parrain i avot eune hutte de chasse et pourtant ch'étot considéré comme faisant partie du bon temps comme in dit ach't'heure i s'in allotent tous contints , des lignes ed bus comme cha cha dot pu exister aujourd'hui
( 1 photos) 
