minloute i s a fait peur hier

avant d aller in montane, j' passe al' pompe , j avo les ziu comme des quequettes d' rat, pas bin réveillé, j'fais ché chiffes machinal'mint j' prints l' pompe et j' comminche à rimplir ech' réservoir ...
et là in ravisant l' prix du gazole j a eune suée, j' m éto trompé d' carburant .....................................

1 euro 23 ché pas l' prix du gazole, ché 1 euro 15 ou 1 euro 11 j avo ch' pris là in tiete
j arrete tout d' suite d' verser, j allo raccrocher l' pistolet, quand que j a vu , que j' m éto nin trompé, chéto bin du gazole que j' metto , mais i avo pris eune claque dins s' guiffe en quequ' jours

j' vous l' dis mes gins cha va arvenir un lusque d' avoir eune carette, et in va raviser à deux coups avant del' printe

j'diso à grand mère, que si du jour au lend'main, in arvéno aux francs, ché gins i dechind'rottent dins la rue, manifestations , greffes, révolution

j'va vous donner un exempe avant dins ché magasins in faijo des foires aux p'tits prix , chéto la foire à 1 francs, la foire à 5 francs, jamais in arvo des foires à 0.15 euros... cha équivaudro à peu pres à 1 franc
nan l' mointe merte cha vaut 1 euro 6 francs chinquante et des birouettes
mi j' vo achteure, un exempe , mes snipes, oh zallez dire que exempe, mais ché bin un artique qu in porte tous les jours, bin achteure mi j' les fais durer 3 fos plus longtimps, un coup j' l' mets normal'mint, l' coup d après j' mets ch'derriere devant, ouais ché surtout l arriere des snipes qui s usse l' plus vite j' sais nin pourquo, aprés j' l armets normal'mint mais à l invers, et aprés là ché l' plus dur à comprinte, j' mets derriere devant mais à l invers ........ mais inter chaque coup i passe al' machine ,j' vous rassure ........ allez mes gins vaut miu n in sourire , que si fallo braire, in auro pas fini ........