Les jardinsvint d' panique au boulodrome
par nounours-94 le, 23/02/2008hier i faisot biau, et comme j'avos rien ed spécial à faire, j'em dit tiens: "ej va aller vire chés boulistes in face d'em tour et par el même occasion prom'ner min tchien". em v'la parti avec min jack russel tout guilleret mais hélas pas pour longtemps. min tchien i est in core jone i a 4 mos à m'n'appart' i a ses juets et notammint ses balles. et i a du s' dire in arrivant là bos : "si ej peut juer al balle pourquoi pas aux boules"! et la cha été la cata.
i saquo sur es'laisse pour attraper chés boules et chés cochonnets, ej l'arténos tant bien que mal in discutant avec des gins et pi i arriva es' qui devot arriver. à un momint donné i a saqué trop fort sur es laisse al m'a échappée des mains, et là cha été Kafka, ech tchien qui courrot din tous les sens pour attraper chés boules (i a même réussi à voler un cochonnet), mi derrière pour essayer d'el rattraper, que jus enfin quand j'ai réussi al r'avoir chétot pu un boulodrome , ch'étot un champ ed mine.
ché boulistes i z'artreuvotent pu leurs boules du genre: "el boule ech t'a ti ou ch'est t'à mi", à un momint donné j'ai cru que cha allot tourner in bagarre alors j'ai profité ed l'ocasion pour m'eclipser, el pu pire ch'est qu' j'em sus marré tout au long d'el route in rintant à m' n'appart', ej cros bien que min tchien aussi d'ailleurs!
inutile ed vous dire qu'ej sus pas prêt d'y ar'mete les pieds ej tiens pas am' faire assassiner!
