minloute champion du bricolache et la vie d' couple

mi et ch' bricolache cha fait deusse , meme tro, vire quate.....
ché pas que j a pas ker cha , mais j' su nin patient, quand ché comminché faudro qu' cha so fini, que j' puisse raviser m' n euffe, quite à boire eune biere et à ameuter toute l' maisonnée pour qui viennent aussi met' un g'nou à terre à admirer aussi

savez commint qu' cha n' est qu' ché femmes ? si in n a qui ont cor des doutes et d' zillusions , j' vous zexplique

cha faijo un momint qu' grand mère ale armetto un truc sul' tape et qu' minloute i esquivo
chéto l' coupache des pieds d' eune tape in bo des années 50 pour in faire eune tape basse dinch' salon pour que minloute i puisse mette ché pieds d' sus in ravisant l' télé, et ptete s' canette à coté ......
zallez dire , ah cha y est minloute i arcomminche à buquer sul'tiete à grand mère, nous aussi in sait ce qu' ch est ché garnoules et ché pas la peine d' in arparler à chaque coup

ché pas pour vous , artraités ou pré artraités, vous qui avez 30 40 ans d' bagne derriere vous, ouais in a fait un flime such' dénommé Papillon jué par steffe mac queen, chéto un bagnard in guyanne qui essayo d échapper à "l univers carcéral", alors chéto la dure vie del prison, les punitions, les tortures, les tentatiffes d évasion, bref , eune avinture zallez dire
mais not' vie ché parel à nous ché zommes et j' insiste pour ché jones qui viennent such' site pour les premiers coups ou qui comminchent à peine leur vie d' coupe

qui sont cor ché ziux cor rimplis comme del cacasse , qui n ont plein leurs ziux d' leur copine , ils la mettent sur un pied d estal, et i saffent pas les dingers qui courent et que l' bagne i est pas loin ...........

cha a fait l objet d eune thèsse in med' cine , que d abord quand qu on est jone avec s' copine, in n a plein les ziux, et 20 ans plus tard, in n a plein la tiete
cha monte au cerveau qu in pourro dire ....
donc grand mère hier j' pouvo pas i louper , couper ches pieds d' tape, mi , minloute , ch' roi du bricolache, qu in coup d' scie i va aller tro coups d' travers avant d aller eune fo dro ...
j a arlevé ch' défi, ouais , j y a dis "bon commint veux tu que j' coupe ché pieds si t artournes pas l' tape avec mi" , tiens print cha dins tes niflettes ...
grand mère ale a tracé l' hauteur , ah ouais, j' voulo d eune reflexion eune fo tout coupé du ginre, " trop courts ché pieds" ou alors "té pourro pas les zarcouper d' chinque centimetes..." rigolez pas zavez tous connu cha , ou alors so zavez épousé eune sainte, so vous la sequestrez dinch' frigo, j' vo pas d autes solutions ...
donc grand mère al' mesure ché pieds et j y dis " va ringer là haut l' champe" nan , j y a pas dis cha , ale auro quéue sur min dos, j a dis " té finis l' champe à l' tchiote ?" ouais in n in profite que l'tchiote ale est ché s' mamy pour arringer ch' champe
vla grand mère qui monte là haut et mi j ' m artrouffe tout seu, in bas, avec quat' pieds à couper et eune scie dins les mains ... pas fier ch' garchon, j intindo djà les zarproches si j' loupo "ah bin t a pu qu à tout artirer et d aller in querre des neufs au magasin" ou " mais té vraimint un brizaque ti" nan, j m' a calmé, j a bu eune biere, et j m a dis, "i faut qu' grand mère al' casse pas mes zorelles taleure" , alors j a coupé, douch'mint tout douch'mint , premier pied, bien, second pied, bien, troisième pied , bien, mais j éto in sueur , fallo pas m enerver et ch' quatrième pied , nan mes gins , bien aussi, j in arvéno pas , mais j éto cor sceptique , fallo armette l' tape dins l' bon sens et vire si chéto dro et qu ale éto pas boiteusse, j' parle d' la tape pas d' grand mère ....
bon j ' mets l' tape tout seu dins l' bon sens, j' va querre ch' nivio, miraque mes gins miraque chéto dro du premier coup .....