un yon d'mer

6h du matin, j intinds du bruit in bas, cha y est grand mère ale donne à minger as' ménag'rie , enfin à eune partie, j intinds le namstère qui crie, in diro toudis qui est à l agonie, nan y a du intinte ch'ale porte du frigo s' ouvrer
pi y a ché tro tchiens qui minchent ché croquettes in mem' timps
j' m a dit , minloute déchint pas, té va t' faire ingueuler, ouais par déduction, pasque grand mère in bas à 6 heures au matin, ché nin dins ses habitutes , voyez ale a commint qu in pourro dire " l' revel difficile" , quand qu ale déchint té cro que té in train d arviffe jurassiqueparque, un dinausaure qui déchind les escayiers, j a pas dis un tiranausaure, nan , l' légér'té du dinausaure....et là ale éto in bas avant mi

pour cha mi l' matin j' su plutot comme ech' cantique d' noel , "jouez hautbois , résonnez musettes" i parait que j' su bruyant, enfin mi j' dis j' su réveillé , ché parti in i va, j' démarre au quart d' tour

j' m éto apperchu dins l' nuit que j avo del plache dins ch' lit , donc ale a dormi in bas dinch' canapé

j a du ronflé ché sur
bouge pas minloute , reste dinch' lit, freume tes neules et armets te at' plache si ale armonte ....
et là, trahi par eum' burette, j a eu invie d' picher, ah j a bin essayé d' lutter, nan fallo déchinte
j' déchint douch'mint, in m' disant , pas d' bruit , un tchiot pipi, pi t armonte sans rin dire

bin nan, j éto à peine arsorti des ouatères que j intinds, "j' t in f'rai pu l' soir", mi j' artourne "ed quo té veux parler ?" (erreur stratégique d' em part, jamais laicher la parole à ché garnoules, car l' mitraillette ale démarre)

nan , cht in f'rait pu, j a eu l impression d' dormir à coté d un yion d' mer .....
j a eu l' malheur ed d'minder pourquo
bin l' vele au soir grand mère ale m avo fait des harengs marinés , bon j avo marché toute el' journée, j avo faim , meme si j avo fait des tartines pour l' randonnée , donc j avo mingé les tro quarts del' boite, faut dire qu ale avo mis des carottes avec .......
là al' m a expliqué, j avo beaucoup bougé dés que j' m éto indormi, j a essayé d' li parler des toxines qu in pouvo avoir dans les musques après toute eune journée à marcher, ale m a invoyé paite, j' bougeo pi j' a failli l écraser in m artournant, un vrai yon d' mer qu ale ardit, pi là l' phrase qui tue, pi "eune haleine ed phoque", "té dormo l' bouque ouverte vers mi, j' m a d'mindé si teul' faijo pas d' exprès" "alors sintir des zarengs in pleine guiffe , merci, j' m a artourné, mais chéto parel, pi y avo pas qu' ché harengs i yavo l' odeur des zognons, un truc à t' faire dégobiller..." ' j a préféré dormir in bas such canapé"

zavez vu mes gins comme tout l' monte j a qu un anniversaire, mais tous les jours ché m' fete, j va réétudier l' proposition d ' adoption qu ale m avo fait Annie ....