dins ché carettes

zavez certain'mint l occasion ché jours chi d' rouler in carette, et normal'mint sous d' cautes températures, ouais cha arriffe quand meme dinch' nord aussi faut pas croire faut simplemint et' patient
j a des souv'nirs d infance d' roulache in plein solel in peugeot 403 break...................
achteure cha va teu mets l' clim ou meme l' ventilo a fond et position fro, bin au bout d' quéques mineutes au pire, i fait bon dins l' carette as' deminder pourquo ché gins i marchent dins l'rue avec des capios sul' tiete, ché seul'mint in ouvrant l' porte qu in a l étrange impression d' rintrer dins zin four

j' vous parle pas aussi quand qu on s asseyait su ché sieches en bébé skaille, que cha t' brulo les fesses , et qu in metto des serviettes ed bain pour pas faire l' steak eune fo qu on armonte ed dins l' carette

in roulo toutes vites ouvertes, l' langue al' farniette comme ché tchiens ......

heureus'mint i avo des pausses aussi pour faire ed l essence et là superpe cadeau ch conducteur eune fo qui a payé i arvient avec des serviettes senteur citron, savez cha arsonno à ché rinces doigts qu in donne au momint d' noel quand qu in minche des zuites

mais cha empeche pas, in a caud , bon in s arrete régulierm'int autant pour nous que pour l' carette

Car ach' momint là , vous les plus jones , vous l' savez pont, i yavo un moteur sous l' capot .... ouais cha existo, achteure ché tel' mint au point que t as pu à ouvrer tin capot , si t apporte tous les 15 000 kms t' carette pour eune révision , normalemint té do jamais ti ouvrer tin capot , ché au garagisse del' faire régulierm'int

tandis qu ach' momint là , y avo des moteurs ed sous ch ' capot et des moteurs qui vivottent , OUAIS MES GINS I VIVOTTENT
i fallo régulier'mint armette d' l io, raviser ché niveaux , cha voulo pas dire qu ale roulo forchémint moins bien, mais ale éto plus capricieusse , achteure, si t as l' moinde insecte qui tompe ed su tin parebrisse , y ach' l ordinateur ed bord qui dit " mouque d'vint d' guiffe, ayonne ch' l éssuie glache" si cor l' ordinateur i l ayonne pas li meme sans attente in orde deut' part

in raviso ché niveaux,ché zommes in auro dit aussi des chirurgiens, penchés d' sus l' bete, qu in vo pu qu' leu derriere et leurs gampes, d' temps in temps y a eune main toute noire qu ale sorto d' nulle part, réclamant eune clé d' treisse, un écrou, un chifffon , un tchiot peu d huile, un tournevis ....................

que temps heureux ou ché carettes avaient eune ame