Les jardinsrue de Fives
par minloute le, 01/05/2009avant qui n' a qui dissent j' voudro bin arvire la rue d' Fives, j' vous a mis 2 photos de chte rue in pieches jointes, meme état d' désolation, sul' premiere ché eune vue générale d' la rue, l' seconte ché plus détaillé, in vo bin ch' cabanon du qui y avo comme eune buand'rie et pi ché ouatères
par Loumarcel le, 01/05/2009Attint Minloute, l’rue d’Fives al’ devrot ête modernisée.
L’rue d’Fives, ch’est l’rue d'naissance à Solan?e, l’dernière fos qu’in a été l’vire is avotent déjà abattu l’mitan de ch’coron et in a d’mindé à chez voisins si cha allo continuer, passe qu’in avot vu qu’is avottent ar’mis du cablach’ pour ch’l’électricité, pis tout l’reste, in nous a répondu que c’qui resto d’bout cha allot ête ar’mi à neuf.
J’vos qu’is ont abattu c’qui y avot d’vant ches maisons, ches buand’ries quoi, et inl’vé l’cour, ouais in s’étot rinseigné passe que l’maison de Solan ?e al’ étot cor ed d’bout, ch’l’abattach’ ed ches maisons s’étot arrété juste avant l’sïinne, ch’est à dire que s’maison al’ s’rot cor là.
Ouais passe que cha fout in sacré coup quand t’ar’viens dins tin coron, et qu’té vos pus t’maison dû qu’t’as grandi, té fais in sacré r’tour in arrière et tout s’écroule, tout est rasé, comme ches chevalets et ches terrils qui n’existent pus.
Ouais in sacré cop à ch'moral.
( 2 photos)
