ché légueumes

savez faut pas et' grand clerc pour comprinte que tout y est qu arcominch'mint , ché dans l' nature humaine d' croire que ché la premiere fo qu in fait eune cosse et aprés in s apercoit que chéto à la mote y a eune paire d années, j' m explique , taleure m'femme ale épluche ché carottes et l' tchiote ale éto a coté et ale faijo beurk pasque i n avo eune ed pourrie dinch' fond du condition'mint, oh pas grand cosse mais cha suffisot à li faire des zaul'coeurs ........ah que j y a dis t as pas connu ti l' temps des légueumes du gardin, ah ché vrai que cha avo quequ' fos des formes bizarres tiens j' me souviens d' ché carottes, i a des coups ale zavottent pieds ou alors yavo eune méguerlotte et eune énorme à coté, in' avo des tordues , des boursoufflées tandis qu aprés durant un bon paquet d' temps ché légueumes fallotent pas qui soyent bons nan fallo surtout qui zalent eune bonne tiete dins ch' l' emballache in plastique, ravisez ché carottes toutes pareles, comme scannées, arcopiées, photocopiées, dupliquées, toutes pareles ....... acatez eune salate in sachet achteure , au d'la du gout , zaurez pas la surprisse ed trouver sous l' feule un tchiot ver qui s'ro resté accroché, ou d' sintir un tchiot gout d'terre qui s' ro resté égal'mint, nan ché du sans surprisse, j' diro presque du sans saveur , mais ché du sur ....... durant un paquet d' temps ché producteurs i devottent met' ed coté tous ché légueumes qui n étotent pas comme ez'zautes, nan fallo s' plier à la regue du calibrache .................. achteure in arriffe dins l exces inverse, pu ché légueumes i zont eune drole ed tiete, pu ché commercants i les ventent ker , pasque ché gins is'dissent cha do et' bio , nan pas bio comme joli, nan bio comme sans ché zengrais ... ché inquiétant quand meme, pasque savez ché producteurs i comprennent vite el coup, ravisez ché tomates grappes, tout l' monte i n in veut donc in les produit achteure dins des pots que l' tomate ale conno meme pas l' sol, nan cha pousse in pot ... i va bien y avoir quéqu un qui va trouver eune solution in rajouttant un produit chimique ou un moyen d' faire pousser ché légueumes pour qui soyent pas tous parels .............

in n in arparl'ra d' cha verrez mes gins ....