Le samedi soir : bain et émissions télé

Quind j'étôs t'chiote, l' sam'di, ch'étôt tout un rituel pou' s' préparer à r'garder l' télé !
D'abord, in n'avôt pas d' salle de bain comme à ch' t' heure : in faichôt cauffer d' l'iau dins eunne lessiveuss' pour insuite l' verser dins c' qu'in app'llôt eunne baignoire (ch'étôt un carré) et in rajoutôt d' l'iau froite.
Pis, in s' lavôt et j'ai incor' dins les orelles l'air d' l'émission "30 millions d'amis" qui passôt à l' prémière chaîne au momint d' min bain !
Insuite, souper et installation dins l' salon pou' argarder ch' Numéro 1 à ... d' Maritie et Gilbert Carpintier !
Chà ch'étôt d' z' émisions intéressintes !
Chà a marqué toute eunne génération avec tous chés chanteurs et chanteuses (sins oublier chés groupes) !
Insuite, in avôt l' drôt à r'garder avec min père les matchs d' catch !
Qué cirque et cinéma : certains ont laiché leu' noms : Mamadou Mémé, l'Ange Blanc,...
Ch'étôt violint et pas toudis du chiqué comme maint'nint !
Tous les soirs, souv'nez-vous, gosses d'avint dev'nus grinds : Nounours, et sin marchind d' sab' en a bercé plus d'un et surtout aidé à indormir (après est venu Oscar, Pirouette et Glinglin).
Le dimanche, avec l'ami Pierre Tchiernia, ch'étôt L'ami Public n° 1 et tous les dessins animés d' Walt Disney qui ont enchinté des milliers d'infants comme mi.
Dins l' sémaine, vers 18h, ch'étôt L'île aux infants, avec Casimir, Hippolyte, Léonard, et toute l' compagnie.
L' mercredi, in avôt l' choix : Récré A2 avec Dorothée (y' avôt ch' fameux Goldorak, l' Capitaine Flam, Candy,...) ou les émissions pou' infants à l' prémière chaîne avec Claude Pierrard.
L' diminche aussi, in avôt l'émission "Les animaux du monde" avec François et Maryse Delagrange.
Grâhe à eusses, in a appris à connaîte chés z'animaux sauvaches.
'Jourd'hui, l' télévision m'intéresse d' moins in moins : pus d' canchons à biaux textes et belles mélodies qu'in sifflôt ou reprenôt in choeur ; pus d' biaux et gintils dessins animés comme d' min timps qui faichôt rêver fil's et garchons ; pus d'émissions comme Droit d' réponse avec Michel Polac où in avôt pas peur d' dire certaines vérités à l' limite dé s' faire expulser,...
Fini, tout chà, mes gins : les émissions d' variétés, bin,... y n' n'a pus ; des feuilletons intéressints, ch'est plutôt rare ; chés émissions politiques, trop rigides et chés dessins animés parfôs jé m' déminde si in n' prinds pas chés gosses pou' des débiles !
Bin sûr, y' a quind même incor' des émissions valab's mais sins pluss, et ch'est moins prénant !

ej voulos juste ajouter eune précision:el nounours du marchand ed sab' chéto pas mi.j'étos trop jone et moins gros...
qui ché qui à oublié la piste aux étoiles avec Roger Lanzac dins l'rôle ed monsieur loyal?

Mi em n'émission préférée ed l'époque el jeudi après midi ch'étot Thierry la fronde, 52 épisotes qui sont passés de novembre 1963 à mars 1966
Feuilleton créé par Jean-Claude Deret le mari d'Isabelle du feuilleton, Jean-Claude Drouot quant à lui est plutôt un acteur de théâtre où sa carrière se poursuit de nos jours
Et quant à mi y a des années que jé n'ravise pus el télé ...

Et pis l'jeudi, mi d'min temps in n'allo pas à l'école el jeudi. Y'avot vers 17 heures Zorro avec el journal ed Mickey. Ché frères Bogdanov avec Temps X

bin mi pour pas raviser chés émissions débiles al télé ,(avis personnel et qui n'ingache ecqu'mi) j'ravisse chés D V D ed' bertrand , et la , in rigole à in braire

Salut à tous,
Vous rappellez vous aussi, des feuilletons les jeudis, puis mercredi après midi : Flipper, Skippy, etc... ?.
Et souvenez vous, il y a bien longtemps, cela devait être dans les années 1965-1966, passait le feuilleton Belphégor.
Quelle trouille avions nous en le regardant, mais c'était superbe !!!
Je fais maintenant appel à vos mémoires.
Je recherche depuis des années, un feuilleton passant le samedi soir à l'époque (toujours 65-66). C'était l'histoire d'écoliers, dans un internat.
Je fais toujours l'amalgame avec le film "les disparus de St Agil".
Quelqu'un se souvient t'il de ce feuilleton ???
Merci et bonne journée.
Georges

le samedi soir, nous avons de la chance aujourd'hui j'ai connu la télé avec une seule chaine ,un seul programme de 20 heures a 22 heures les infos avec Pierre Sabbagh 36 chandelles avec Jean Nohain, cinq colonnes à la une avec Igore Barrére et Etienne Lalou et un autre journaliste ? du Théâtre, des beaux programmes
la première télé je l'ai vue chez Chalmain à Bruay dans la cote du N°4 télé fabrication maison pas de caisse, pas de fond, c'était le mariage de la Reine Elisabeth d'Angleterre en 1954 ? un monde fou devant la vitrine
Aujourd'hui beaucoup de chaines pas toujours terrible les programmes. Quelle évolution sur 56 ans et ça continue, On passe moins de temps au lit ?

Et pi faut pas oublier Jannique Aimé, l'infirmière avec sin solex, les aventures de M. PIKWIK, COLDITZ, Y'avo aussi un feulton qu'tout l'monde raviso d'un l'bruaysis chéto, si ja bonne mémoire " l' randonnée amoureusse d' Mado et Daniel" chéto l'renconte d'une' file et d'un garchon. Ale éto quéu amoureusse d'ech garchon avec qui al éto parti in voyache. In raviso cha in famile et in brayo. Chéto un peu comme belle et sébastien, cha préno à sin pétit coeur.