le cahier d' brouillon et ché punitions

ché vrai Nounours, y avo l' cahier à l éffigie de Jean Bart, sa statue ale éto dessinée sur l' pache d' couverture, y avo aussi un dessin mais j' sais pu si chéto sul' premiere pache ou sul' derniere, in voyo in extrait d' carte maritime ancienne, et in voyo comme eune espéce d' monstre qui jeto d' l io si j' m in souvint bin

mais tout cha ché pour in arvénir au cahier d ' brouillon

mi qui éto djà brouillon, j avo ker ch' cahier là, pasque pour mi , j' considéro cha comme un défouloir, bin ouais ché un cahier d' brouillon , in peut brouilloner alors

bin nan , un coup in a eu un controle des cahiers d' brouillon, mon diu que malheur, j' m a fait armarquer savez d eune façon intelligente, pi y a eu des instituteux qui savotent rabaisser ché les eleffes, j' me souviens qui m a inm'né au tableau , j éto su l estrade à coté d' li et i tourno les pages d' min cahier d' brouillon in i faijant des annotations orales tout in montrant ch' cont'nu à ché éleffes bin assis
rires , moqueries , j in a archu ch' coup là, mais savez commint qu on est , quand ché l' tour d un aut' camarate qui est su l estrate , cha m a pas impéché d' rire comme eune hyenne comme les zautes
cha s appele hurler avec les loups, ché cor eune pratique bin courante d' dins la vie d' tous les jours

aprés , autant su ch' cahier d' brouillon j écrivo comme un sagouin, sans compter ché paches écornées , et ché bords du proteche cahier étotent machuquées à force que j' le machonno
autant ch' cahier d' composition que ch' maite i sorto eune fo par mo d' l armoire vitrée in nin prenno soin

ah fallo pas écorner eune page, machuquer ch' bord, faire eune tache d encre d' dins , chéto alors des reflexions, mais surtout des mots, des phrases à arcopier cinquante fo.......
là mes gins zavez à faire à un espécialiste
quand qui fallo arcopier 50 fos eune phrase , j' l écrivo bin sur eune ligne, pi aprés au lieu d écrire du ginre 50 fo "j'f'ra pu d' taches d enque dins min cahier" ou" j'bavardera pu in classe avec mes camarates" ou "j' respecterais l' silence de la classe d étutes" ou "j' copiera pas sur l' traval d' min voisin" ou "j oublierais pas mes zaffaires al' mason" ou " j oubliera pas d'faire mes devoirs qui étotent marqués dinch' cahier" ou "j apprendrais mieux m' récitation l' prochain coup " ou "j' lancera pas d' cailloux dans l'cour d' récréation" ou " j acouterai l' sifflache d' la fin d' la récréation" ou j' pourro cor in mette des paquets vu que j a donné in étant tchiot, comme tout l' monte vous m' direz mais in est persuadé que toutes ché punitions ché pour nous ,et que ché rigolo quand que cha tompe sur quéqu un d autes

in est cruels ché zinfants, mais in cang'ra pas quand qu in s'ra c' qui zappellent "adulte "

alors j avo m' technique, quand chéto chinquante fo à arcopier, j' m arringeo pour que l' phrasse ale tienne sur eune line , pi aprés au lieu d écrire 50 fos " j' f'ra pu d' taches d enque sur min cahier" , enfin quarante neuf fos pisque j' l avo djà écrit ..... bin j' va écrire vetical'mint "j'f'ra" 50 coups , pi aprés j' va écrire 50 coups "pu des taches" et ainsi d' suite jusqu à avoir arcomposer à la fin les 50 phrases

mais chéto écrit d eune facon qu in écrivo pas l' phrase in intier , comme chi in s' rebello contre l' punition

ch' maite y éto pas toudis dupe, y a des coups il le voyot qu in avo fait comme cha alors i fallo arcommincher pour l' lend'main

aprés t avo ché punitions du qu on t' dijo, vla l' phrase vous in rimplicher les 4 feules

4 feules, cha faijo un sacré paquet d' lignes, in va dire eune trentaine par pages, donc 4x30 cha fait 120 fois à arcopier l' phrase
mais y avo eune astuce, que j a fait un coup, pas 2 , pasque ch' maite i avo pas d humour, j' comprinds pas pourquoi
j' métto arringé pour écrire grand et larche , pour que tous ché mots i finssent te pas sul' meme ligne, , comme cha pour écrire eune phrase , j utiliso deux lines
donc 15 fos arcopiés sur eune meme feule au lieu de 30 et à la fin t avo écrit que 60 fois l' punition

té pouvo affirmer ach' l instituteux que té t éto pas foutu des' guiffe, que t avo écrit grand pour qui vo bin ché mots, nan t avo dro au minimum à arfaire 120 lignes , si i s amuso pas à accompagner cha d un zéro

cha peut paraite ridicule ché punitions , ché arcopiaches ,j'pinse que ché pu d actualités, ou in tout cas in n in donno pas à tire l arigot comme in a connu

chéto un aut' temps , eune autre époque, mais j a l impression que ché quéquosse qu in donne pu comme punition

zut, j'avo complétemint oublié. el cahier ed brouillon.cha devient grafe alzheimer te guette nounours. ché vrai qui avo des instit' "sadiques" si préno un élèfe in "grippe" i li faisot tout vire el peu qu'el tiot i étot un peut émotif i s' metto à braire pour un ouais,ou pour un nan et bien souvint i dev'no el risée ed ses soit disant camarates et dev'no el souffre douleur. cha s'ro asteur l'instit' i auro pu intérêt, et ouais mes gins les mentalités on cangées.
quand j'ai mis el sujets sur les souv'nirs d'écolier i a un life dont j'avo oublié el nom j'ai armumé em cervelle impossipe ed l'artreuver et....miraque cha m'est arvénu el nuit chi.chéto le blede hélas, j'ai cor un tro ed mémoire j'en sait pus à quoi i servo tout s' que j'em souvient ché que cha concernant el Français.ech' compte sur ti minloute ou sur quiqu'in d'aute pour m' rafraîchir la mémoire.

le Bled ch'étot un pétit manuel d'exercices orthographiques et grammaticaux . Bled du nom de leurs créateurs Odile et Edouard Bled (tous deux instituteurs)
I existe toudis des Bled , peut-être un peu différents car j'cros bien qui sont pus utilisés à l'école, et qui se sont diversifiés

Et dins l'même genre y a aussi les Bescherelle, du nom des frères Bescherelle, et là cha date du 19 ème siècle, el Bescherelle fait surtout référence in matière ed conjugaison
mi j'a core un Bescherelle qui argroupe conjugaison, orthographe et grammaire

Devant l'ordi j'ai un cahier qui me sert de blocs note (96 pages ,grands carreau avec des lignes ,marge rouge) recuperé sur une brocante . il y a aussi les tables sur la derniere page!!! tout ça pour dire que ce dont je me rappelle c'etait la mauvaise qualité du papier: gare a la plume sergent major qui accrochait!!!! c'etait la rature assurée et impossible de réparer donc coup de regle sur les doigts bien tendus!!! et l'encre qui traversait le papier ,l'horreur!!
quand on a eu les premiers 'BICS' si on les laissait allongé dans le plumier on etait certain qu'ils coulait et pour ravoir l'encre c'etait impossible au lavabo du préau!!! nan c'etait pas la joie et par contre une mine d'or pour l'instit pour les punitions: au moins on s'appliquait a ecrire!!!!