mi j' m' appelle Paulo suite 3

croyez pas qu eune paire d' mos plus tard qu in s habituero à r'faire ch' chemin inverse et d armonter au grenier
j' sais pas si in s habitue au confort , mais alors quand que j a arpris l' chemin du retour ...et qui a rouvert l' porte et qu'j a sinti tout à la fois, l' vint dans les marches d' l escayer, l' poussiere su ché marches, ché toiles d araignées d' partout.....
sans vous parler quand qui vous zarpose là du qu' vous étiez y a cor quequ' mos .... té print un sacré coup au moral
sacré coup au moral cor plus quand té vo qu' l état d' nounours i s améliore pas,avec l' poussiere y a pris eune teinte mate, délavée , y a perdu l' reste d' brillant qui avo cor sur s' toison et au coin des' neule ...
j' ose à peine raviser l' tiete d' bidet montée sur sin manche, nounours y avo raison, y a pas fait l' chemin inverse, faut dire que j avo vu arriver plein d' nouviaux juets , comme des panoplies d' personnaches d' séries télévisées, des lives disques aussi, cha prenno d' l ampleur cha, en fait chéto des histoires pour infants racontées par des personnalités, comme par exempe "la chèvre de monsieur seguin raconté par fernandel" .......

j' leur raconto les nouveautés que j avo vu ; des puzzles in espece de carton, fini ché pieches in bo, des soldats in plastique...
nouzautes in allo bintot passer pour des dinosaures ...
Nounours i éto quand meme sceptique " té nous raconte qui a plein d ' juets mais eune fos qui zin veulent te pu ché zinfants pourquoi qui viennent te pas nous arjoinde ichi ?"

"normal mes gins , l' plastique ché moins solite que ch' bois, mais cha coute moins cher, alors quand ché abimé, in monte pu rin ichi , in met directemint al' poubelle" ......