le hachis suite et fin
par minloute le, 01/10/2010l' viante que m' mère ale prenno in général chéto l' viante d' pot au feu, y avo meme des coups des morciaux d'gras qui étotent arrivés à passer ch' trous du hachoir ,que quand té lé mingeo cha croquo sous tes dints
Nounours i m a fait arpinsé que j avo pas fini ch' sujet, pasque ch' lachis in l' mingeo pas tout seu
pourtant zallez dire que lhachis parmentier ché un plat complet et quo qu in pourro minger avec ?
j' va vous expliquer , nous al' mason in resto bin dro sur no caielles quand que M'man ale ram'no ch' plat tout caud del cuisine
in espéro qu ale lache pas ch' plat in route, faut dire que l' route ale éto dégagée et qu' min père i avo fait l' ménache in écartant l' boutele d io et l' boutele d' vin ...
ale servo toudis del meme facon, d'abord ale servo min père, pi mi , pi elle en dernier
in commincho à minger et là min père i dijo "Odette ! l' salate ! " et là m' mère comme marie josé pérec , ale bondisso des starnines bloques pour s' lever, écarter s' caielle, passer derriere mi, éviter ché pots d' fleurs, pas facile pasqu ale marcho in tchiot peu comme un canard, ale arrivo dins l' cuisine, derrapache sur 1 m, restabilisation, armontée d' puissance en avant, bondiss'mint, attrappache du saladier, plaquache du saladier conte sin corps, mise en avant del main gauche comme un rugbyman qui voudro faire du rafut , arrivée dans l' pieche à minger, freinache pour passer entre ch' buffet et l' caeille du qu' min père i vo poser s' gampe raite, posache du saladier, marche arriere avec rétropédalache, bondis'mint et r'tour as' plache .........
alors del salate avec du lachis ? ouais mes gins , en fait m' mère ale rimplicho l assiette complet'mint avec ch' lachis et quand qu in avo mingé l' moitié d' l assiette CHE LA qu in metto l' salate
alors là l' salate froite et piquante avec l' vinaigrette, ale étot in contaque avec l' caud du lhachis ..... l' feule ale s étiolo un tchiot peu, in auro dit qu ale avo pris et ché pas faut , un coup d' caud
vlà mes gins j' pinso que min sujet sur le lachis i éto terminé l' dernier coup , pi Nounours i m a d'mindé avec quo in mingeo cha et là cha a fait tilt ....
pour et mère té fais in comparaison avec perec , mi j'pinsos plutot a un acrobate et in slalomeusse
par conte ta tort totor, du hachis parmentier mi in ma toudis dit qu'chetot d'el purée avec ed'l'hachis , el salate, comme min père y dijot , ché d'l'herpe a lapin ; bah pi apres tout che ch'résultat qui compte , el principal ché d'es régaler
chacun y fait sin lit comme y veut s'coucher