eune matinée espéciale , le vendredi matin in y est cor

mais y avo aussi des commerçants que ché femmes ale zavotent te ker , souvint ale zy allotent en repérache, regardotent si ché to dins leu budget , pi si fallo économiser

chéto là que ché femmes ale zacatotent souvint leu blousses, leu tablier, mais surtout leu ropes

ale tournotent autour d' ché stands, touchotent l' matiere, ravisotent ch' prix sérieus'mint, certaines ale zarpassotent d' vant, d' autes al' demindotent ach' marchand simplement "s'rez là l' semaine prochaine ?" (pour certaines chéto aussi, pour savoir si yavo eune , voir deux tales au d'sus) , mais en regue générale , ch' marchand i éto plus pourvu in tale normale et un tchiot peu plus , que dans l' taille d' wepe...........

yavo aussi ch' droguiste, d abord pour ché coutiaux, ché ustensiles d' cuisine,souvent rangés dins des cases in bo, coutiaux économe, pierre à aiguiser, canif, ciseaux, ficelle, mais aussi hachoirs sur pied, hachoirs qu in fixo sul' coté del' tape ou alors ché tchiots moulins ,savez ceux qu in utiliso pour écraser l' persil ou l' échalotte, ceux qui avotent eune toute tchiote manivelle sul' coté ...........

l' plus sérieux chéto quand que ché femmes ale alotent raviser ché prix ché ch' marchand d' tissu, ché sur que chéto moins cher quand meme que chez Opigez dins l' rue des escaliers ........ là autant un peu plus loin l ambiance ale éto animée, in trouvo djà ach' t époque à chaque coin du marché un camelot qui vindo un produit miraque , autant là ché ch' marchand d' tissus, meme si in éto en plein air, ché comme si l ambiance ale éto feutrée
c' qui m étonno ché que chéto un homme, un marchand qui s occupo d' cha, mi j' voyo vraimint pas quo qui pouvo trouver comme interet à vinte du tissu à des garnoules ...En plus , i avo toudis un met' ruban autour d' sin cou et souvent as' main un metre in bo gradué
La aussi chéto un endro que ché femmes ale zétotent djà v'nu in r'pérache ......quand qu ale zavotent fait leur choix ch' marchand i prenno ch' rouleau , i mesuro l' longueur qui li fallo couper, i prenno alors s' règue in bo , sin morciau d' craie et i traço d un coup du qui devo couper
i m impressionno quand meme, pasque quand que jel' voyo printe eune paire d' ciseaux que ti t auro peur d' eut' couper in dogt avec, quand qui prenno s' paire d' ciseaux et qui découpo d eune main experte, sans à coups l' tissu sur toute sa longueur , mi qui éto tchiot j' me douto qui savo faire cha miu qu eune femme

Figures te Min loute qu'y à un an environ j'ar su r'tourné ach marché d'bruay l'vendredi et y'avi toudis ech marchand qui vindo des tampons menthol que t'es mets sur ton front quand ta maux at t'iête. Y'éto installé avec esse pétite tape à côté d'lancienne poissonnerie. Y vindot toudis ses tampons mintholé in bos avec un' partie menthol. Ch'dit cha parce que quand j'éto jone y étot déjà là. Ch'pinse que ché sin fils qui a arpris l'flambeau. L'prochain coup j'id mandrai.

Merci à toi Boxerman d'avoir apporté cette rectification au sujet du marchand de menthol,j'avais donc confondu...de personnage..