in route vers Quend les Pins

In 1952 min père à 41 ans y avo acaté en' Frégate Renault à mon Szymerski el garach' Renault in haut del Côte des grands Bureaux à Bruay en Artois, i fallo en grande auto on éto 5 gosses plus mes parints, in plus les bagach' din'l coff' et y avo installé en et' ché galerie, énorme, in dira ech' l'auto al pouvo el supporter, al éto puissante 11 bidets, cangemint ed vitesse au volant, in plus in rut' volant. Din les 1ère année on a fait du camping itinérant, mais à forche chéto fatiguant, y avo toudi el grant' tente à monter.
Par le suite, à l'intrée ed Quend les pins din'l bo, derrière el camping ed' la Dune au loup, min père y a acaté un tio terrain.
Alors au momint des vacances chéto l'expédition, comme on resto à Bruay en Artois, chéto direction St Pol sur Ternoise, et là on préno el route ed Frévent, Auxi le chateau, Labroye et al Cabanne Bambou ons' dirigeo vers Crécy en Ponthieux , Rue, et direction Quend.
On avo quer la route pars'que chéto en route pittoresque,et ach' ché momint là,y avo pas gramint ed circulation. Din ché temps là y avo pas ed cheintur', em' maman al avo el dernière din ses bras, et nous 4 derrière, et in éto fin bénach' d'et' din in' belle bagnole.
Arrivé à Quend dinl' terrain el première année, in a mis el tente pour s'installer,défricher el terrain. Min papa dinl' fond du terrain y avo fait en grande cabane avec toutes ché branques ed récupération, el toit chéto des morciaux ed ventube ed fosse arcouvert ed branquettes, il l'avo baptisée ""Le P'tit Quinquin"", à la fin del première saison y avo installé en porte et in cadenas, et tous les outieux à l'intérieur.
Par la suite y avo fait construire un chalet Lerouge Duhamel, qui avo baptisé "Le petit chaperon rouge", em maman al avo trouvé j'en' sais din quel magasin en' tiote statue in craie
Chéto el' petit chaperon rouge, que min papa y avo installé devant el' porte d'intrée..
Pendant bien longtemps on a passé des bonnes vacances, on pouvo aller à la mer à pied, chéto in peu loin, mais quand té tio té n'y pinso pas. El frère cadet ed min papa y avo acaté en parcelle à 100m ed là, et li y avo fait construire in chalet Masclet, y avo en grant' famill ausi, et bin sur y avo en Frégate égalemint. Eux y étotes à 8 in tout, alors in veyo cha d'ichi el marmale ed jones dinl' secteur, cha bougeo gramint, mais on éto sach'