la solidarité

d' abord quand qu in voyo arriver ch' te rubrique sul' premiere page in bas d' la une d' la vo du nord, chéto bon signe
en effet , un mo et d' mi avant la noel, yavo l' rubrique du "Noel des déshérités"
chaque jour, cha raconto la vie et l'espoir d' infants qui avotent eune vie bin différentes d' la note, souvint rendue compliquée par des maladies comme la poliomélite, ou des maladies hélas toudis "rares" asteure ...............

chaque jour j' raviso bin sur l'montant des dons d' la veille et l' montant total ..............

nous al' mason , in a connu Haiti , d'puis un momint, pendant d' zannées, mes parints i zacatotent des menus qui étotent décorés par ché jones d' Haiti

j' cro bin qu' min père i éto abonné à cha par l intermédiaire d' la croix du nord, l' aute journal qui liso tous les jours
comme i diso , la voix du nord ché pour les nouvelles du coin et ché morts, et la croix du nord ché pour l' reflexion et ché zartiques politiques

donc in a "eu dro" chaque année à des menus avec des dessins d' cocotiers, ou d' pirogues, au momint d' la noel ....La réalisation des menus là bo, ale éto parrainée par l' UNICEF

mais yavo pas que ché menus, qui étotent parrainés par l' UNICEF et qu' min père i acato, yavo aussi ché cartes d' voeux ....
cartes et inveloppes carrées , aux motifs souvint bariolés, avec au verso, l' symbole d' UNICEF, 2 branques d' laurier , avec au miyeu un globe terrestre et d'vant eune femme et un enfant qu ale amène vers sin visache .............

au meme momint , min père i archevo aussi des cartes d' don pour ché lépreux , mi cha m impressionno tel' mint d' vire leu visaches et leu mains, que j' voulo meme pas toucher l' carte d' don, de peur d attraper l' maladie .......

j avo pas ker nan plus ché cartes d' dons avec d' zinfants décharnés avec un vinte énorme , là chéto des dons contre la faim

yavo cor aute cosse, mais j' me souviens pu ch' que chéto, i éto grinmint sollicité et i donno c' qui pouvo dans la limite du raisonnape

chéto pas comme cha dins tous les foyers , ché sur, ichi chéto qu' min père i éto catholique pratiquant , pi i éto del viele génération, né en 1911..................