les mobylettes bleues
par théo le, 17/02/2011in 1972 j'ai voulu avoir eune mobylette , eune bleue qu'in applo cha . mais pour cha fallo que j'me l'paye mi même , comme al maison yavo pas d'sous y fallo que j'travaille les jours ou j'allo pas a l'école . comme j'étot très dégourdi j'féso les comissions pou l'un , j'casso du bo pour l'aute, j'faiso ch'gardin pour et s'certain , j'étot toudi in route, eune vrai entreprise à mi tout seu . et j'avo granmint d'demandes parce que ché gins i m'aimotent bien .
cha fais que un an après j'avo rassemblé l'pognion pour acaté em'mobylette bleue . chétot des machines inusapes . y' éxitot deux modéles , un modéle à moteur fixe et un modéle à moteur flottant , mi l'mienne a l'étot à moteur flottant avec un variateur qui faiso éffet de deux vitesses . j'lavo payé 93milles francs cha été m'première réussite d'in la vie , j'étot fier es d'mi .